Hayubu 7:11 - Kifuliiru

¹¹ «Ku yukwo, ndangaki hulika. Si ngayerekana naaho ngiisi kwo ngoli shengusiri. Bwoꞌmutima gwani gukoli lyaniirwi, ngagenderera ukuyidodomba.

Hayubu 7:11 Referans Kwoze

Zaburi 40:9

E Rurema wani, ngiisi byo uloziizi, byebyo byo naani ndoziizi ukugira. Imaaja zaawe, ngoli zisingwiri mu mutima gwani.»

Hayubu 10:1

«Ngoli shombiri uburambe bwani. Kwokwo, leka nyidodombe buzira kuhangirirwa. Bwoꞌmutima gwani gukola mwoꞌbululu, ngwiriiri ndetage.

1 Samweri 1:10

Uyo Haana âli koli jengiirwi bweneene, halinde anakizi huuna Nahano bufufumbwa.

Hisaaya 38:17

Kundu njubi yuvwiti umwizingeerwe, we kaguhindula bube buhiirwa. Wanangiza na Narufu, wanashuluguta ibyaha byani inyuma lyawe.

Hisaaya 38:15

Bikagi byo nangaki deta? Yibyo byoshi, Nahano keera akambwira kwo bigakoleka, keera anabikwiza. Bwoꞌmutima gwani gushuba mu lyanirwa, kyo kitumiri ngakizi ba mutuudu isiku zaani zooshi.

Hayubu 21:25

«Ugundi ali mu fwa akoli kekeriiri, anajengiirwi mu mutima gwage. Anabe atakashambaala, kiri kwiꞌgambo liguma.

2 Bakorindo 2:4

Ikyanya nꞌgamùyandikira galya maruba, umutima gwani gwâli koli hanamiri. Nanâli shengusiri bweneene mu kati keꞌmigenge mingi. Kundu kwokwo, galya maruba gatâli riiri hiꞌgulu lyoꞌkumùjengeeza. Si gâli riiri hiꞌgulu lyoꞌkumùyereka ngiisi kwo nimùkuuziri bweneene!

Luka 22:44

Yesu, âli koli shengusiri bweneene! Kyanatuma agakaviiriza ukuhuuna Rurema. Ingeeshe yage, yanashusha nga muko, yanakizi toonyera haashi.]

Hayubu 16:6

«Haliko, iri nangadeta, amalibu gaani gatali mu mala. Neꞌri nangahulika, ngiri mu gaago-gaago malibu.

Hayubu 13:13

«Muhulikage maashi, gira naani ndete. Ngiisi íbigangoleka kwo, kwo na kwokwo.

Hayubu 10:15

Iri nangaba ndi nangora-mabi, yayewe imwani. Kandi iri nangaba ndi woꞌkuli, ndashobwiri ukuyihuuza. Mukuba, nyijwiri mweꞌshoni, na ngola mu libuuka bweneene.

Hayubu 6:26

Amagambo gaani, si mugweti mugagabona nga mbuusi naaho! Aahago! Ka munaloziizi ukugagolola?

Ndondeko 42:21

Ha nyuma, banabwirizania: «Ku kasiisa, tukahubira mulumuna witu. E balya, si tukabona kwo âli koli shengusiri mu mutima gwage, anakizi tuyigonga. Kundu kwokwo, tutanamútwaza. Buno nyiitu tukola mu zeezirya ndaanya.»

Zaburi 39:3

Kundu kwokwo, ikyanya nâli kizi yihulikira, buzira kudeta kiri niꞌgambo liija, lyo nꞌgashenguka bweneene.

Hayubu 9:27

«Hali ikyanya nangadesiri, ti: “Yago makuba gaani, ndagatwaziizi. Ngayikania naaho, ninasheke ku bushambaale.”

Hayubu 23:2

«Zeene, ngi gweti ngayidodomba mu kati koꞌbululu. Na íbitumiri ngagongeera, bwo Rurema akola mu ndibuza bweneene.

Hayubu 36:21

Utanagendi yifunda mu byaha, mbu lyo ulonga ukuyibagira amakuba gaawe.