Hayubu 42:5 - Kifuliiru

⁵ Ubwa mbere, nâli kizi yuvwa imyazi hiꞌgulu lyawe. Haliko buno, keera nakubona masu ku gandi.

Hayubu 42:5 Referans Kwoze

Barumi 10:17

Kwokwo, kuli ku njira yoꞌkumenyeesa abandu hiꞌgulu lya Kirisito, kwo bangayuvwa hiꞌgulu lyage. Neꞌkyanya bagayuvwa hiꞌgulu lyage, lyo bangamúyemeera.

Yohana 12:45

Ee! Ikyanya muli mu mbona, iri mwabona noꞌlya úkanduma.

Yohana 12:41

Na íbikatuma Hisaaya agaadeta kwokwo, bwo âli mali gwanwa abona ubulangashane bwa Yesu, anadeta hiꞌgulu lyage.

Yohana 1:18

Ndaaye mundu úzindi bona Rurema. Kundu kwokwo, ulya mwana wage weꞌkininga, ye kayiji tumenyeesa ye, bwo bayamiinwi.

Hisaaya 6:5

Iri nꞌgabona kwokwo, nanadeta: «Ala nie! Si leero ngola ngashereera! Si akanwa kaani kayulubiiri. Naꞌbandu bo tutuliinwi, nabo utunwa twabo tuyulubiiri. Kundu kwokwo, keera nayibonera Umwami. Ye na Nahano woꞌbushobozi bwoshi!»

Hisaaya 6:1

Mu mwaka gwo mwami Huziya akafwa kwo, lyo nâli riiri mu mabone. Nanalangiiza Nahano abwatiiri ku kitumbi kyeꞌkyami, kyanâli shuumiri bweneene! Ikanju lyage lyâli kizi lembeera mu nyumba yage yoshi.

Hayubu 33:16

Ali mu deta ku kahwehwe mu matwiri gaabo. Neꞌkyanya ali mu bakengula, anabateere ikyoba.

Hayubu 4:12

«Lusiku luguma, nꞌgayuvwa izu lyoꞌbumbishwa. Yiryo izu, lyanayingira mu kutwiri kwani, mu kahwehwe.

Hayubu 28:22

Ubushereeze, kuguma na Narufu, bali mu deta, ti: “Twayuvwa naaho umwazi, ngiisi hoꞌbwitegeereze bwangaboneka.”

Hayubu 26:14

Mu mikolezi yage, iyo iri miniini naaho. Iri mu hwehwetezania naaho. Si ubushobozi bwage bwonyene, buli buhamu bweneene. Aaho! Nyandi úwangamenya ngiisi kwoꞌbushobozi bwage buli mu kungula?»

Hayubu 42:6

Ku yukwo, ngiisi byo nꞌgadeta, buno ngweti ngabidetuula. Ngabwatala haashi mu luvu, na mu munyota-kiiko, mu kuyerekana kwo yago magambo, keera nagatwikira kwo.»

Habakuki 3:2

E Nahano! Keera nꞌgayuvwa hiꞌgulu lyeꞌmikolezi yawe ya kahebuuza. Ngiisi byo ukagira, keera byanzoomeza bweneene! Aahago! Yibyo byoshi, ushubi bikolaga mu siku ziitu, halinde nyiitu tubimenye bwija. Kundu uki turakariiri, utuyuvwirwe indengeerwa, maashi!