Hayubu 42:2 - Kifuliiru

² «Niyiji kwo ushobwiri ukugira byoshi. Ndaanaye úwangakuhangirira.

Hayubu 42:2 Referans Kwoze

Mataayo 19:26

Yesu anabalola kwo, anababwira: «Lirya igambo, imwaꞌbandu litangaziga. Haliko imwa Rurema, byoshi biziziri!»

Mariko 10:27

Yesu anabalola kwo, anabashuvya: «Lirya igambo, imwaꞌbandu, litangaziga. Haliko, Rurema alishobwiri. Mukuba imwage yehe, byoshi biziziri!»

Ndondeko 18:14

Nahano anashubi deta: «Aahago! Ka hali igambo íritashobokiini imwa Nahano? Si ndaalyo! Kwokwo, ikyanya ngagaluka ku kyanya íkiri nga kino, ku gundi mwaka, Saara agaaba akoli hiiti umwana woꞌbutabana.»

Yeremiya 32:17

“E Nahano Rurema! Ikyanya ukalema igulu neꞌkihugo, kwâli riiri ku bushobozi bwawe bweꞌkitangaaza. Ndaanabyo íbikuyabiiri.

Hisaaya 46:10

Ngiisi íbiri mu koleka, nâli mali gwanwa nabimenyeesa ukulyokera ku ndondeko. Kundu bitâli zaazi koleka, haliko, nâli mali gwanwa namùmenyeesa byo. Ngiisi byo njungisiri, byo biri mu koleka. Ee! Ngiisi byo ndoziizi, byebyo, byo ndi mu gira.

Bahefeso 1:11

Ngiisi byo Rurema ali mu gira, ali mu gwanwa abishungika. Kwokwo, na nyiitu, akatutoola kwo tube beꞌmwage mu kati ka Kirisito.

Zaburi 44:21

E Rurema witu, túkibe tukayibagira iziina lyawe, tunatibitire imweꞌmigisi,

Migani 19:21

Kundu umundu ali mu shungika bweneene mu mutima gwage, si ngiisi byo Nahano ashungisiri naaho, byo biri mu koleka.

Hayubu 23:13

«Kundu kwokwo, ikyanya ali mu ba keera ashungika, nyandi úwangaki múhangirira? Ngiisi kwo aloziizagi, kwo anali mu gira.

Hisaaya 14:27

Niehe, ndi Nahano woꞌbushobozi bwoshi! Aaho! Ikyanya ngweti ngashungika igambo, nyandi úwangaki lihongola? Neꞌkyanya ndi mu ba ndoziizi ukubahana, nyandi úwangaki mbagana kwo?»

Hisaaya 43:13

«Niehe nyamiri ndi ho, ukulyokera ku ndondeko. Ikyanya ndi mu ba ngweti ngaakola, ndaaye úwangambangirira. Ndaanaye úwanganyugutula umundu mu maboko gaani.»

Mwigiriza 3:14

Byoshi byo Rurema agweti agaagira, nyiji kwo bigagenderera, halinde imyaka neꞌmyakuula. Ndaakyo íkyangashubi biyushuulwa kwo, ndaanakyo íkyangabishaazibwa kwo. Na íbitumiri Rurema agweti agaagira kwokwo, gira lyaꞌbandu bakizi músimbaha.

Zaburi 139:2

Uyiji ikyanya ndi mu bwatala, neꞌkyanya ndi mu yimuka. Na kundu nangagendi beera hala, uli mu ba uyiji ngiisi kwo nzaliiri.

Luka 18:27

Anabashuvya: «Lirya igambo, imwaꞌbandu litangaziga. Haliko imwa Rurema, byoshi biziziri!»

Mariko 14:36

Anadeta kwokuno: «Aba! E Daata! Byoshi, biri mu kuzigira. Luno rusoozo lwaꞌmalibu, maashi, ulunjaagize! Kundu kwokwo, ngiisi byo uloziizi, bibe byo bigakoleka. Si bitabe byo ndoziizi!»

Hezekyeri 38:10

«Nie Rurema Nahamwinyu nadetaga kwokuno: Ku yikyo kyanya, mugakizi yitoneesa buligo, iri munashungika ishungi mbi.

Yeremiya 17:10

«Kundu kwokwo, niehe Nahano, imitima yaꞌbandu, ndi mu giloleekeza. Kiri neꞌnzaliro zoꞌmundu, ndi mu zigahiriza, ninamúhembe ukukulikirana na ngiisi kwo akakola.

Yohana 21:17

Yesu anashubi múbuuza ubwa kashatu: «E Simooni mugala Yohana! Ka unguuziri?» Peturu anajengeerwa bweneene, bwo Yesu keera amúbuuza ubugira kashatu: «Ka unguuziri?» Kyanatuma agamúshuvya, ti: «E Nahamwitu, si uyiji byoshi! Uyiji-yiji kwo ngukuuziri.» Yesu anadeta kwokuno: «Ukizi heereza ibibuzi byani byo bigakizi lya.

Hayubu 25:2

«Rurema ahiiti ubushobozi bweneene, anakwaniini ukusimbahwa. Halinde kiri na mwiꞌgulu, ye mu tegeka byoshi.

Hayubu 42:1

Ha nyuma, Hayubu anashuvya Nahano kwokuno:

Zaburi 135:6

Yehe, ngiisi byo aloziizi, ali mu bigira, muba mwiꞌgulu, kandi iri mu kihugo, kiri na mu nyaaja, na mu tulingi twazo.

Danyeri 4:32

Aba mu mahanga gooshi, bali mu boneka nga kindu busha. Ali mu koleesa ubushobozi bwiꞌgulu, nga ngiisi kwo aloziizi. Kwo anali mu koleesa na ábali mu kihugo. Ndaaye úshobwiri ukuhagana bo naye! Ndaanaye úwangamúbuuza, mbu: «Ewe! Maki gano wagiraga!»