Hayubu 4:8 - Kifuliiru

⁸ Keera nꞌgabona kwo ábali mu byala ubuligo, noꞌbubi, byo na byebyo, bali mu yiji yimbula.

Hayubu 4:8 Referans Kwoze

Migani 22:8

Ngiisi úli mu byala amabi, ali mu yimbula amalibu. Na kundu âli kizi twala ku bulangi, bugaahera.

Hosheya 8:7

«Yabo bandu, bakabyala imbuusi. Si mu kuyimbula, bagakizi yimbula ikihuhuuta! Imbuto zeꞌngano, kundu zigweti zigakizi mera mu ndalo, halikago, ndaayo mihuli igakizi bitongeka kwo. Na kundu yangatongesiri kweꞌmbuto, si ibinyamahanga byo bigakizi zirya.

2 Bakorindo 9:6

Mukengeerage kweꞌri umundu angabyala imbuto niini, ali mu yiji longa umwimbu muniini. Haliko, iri angabyala imbuto nyingi, lyoki ali mu yiji longa umwimbu mwingi.

Yeremiya 4:18

«E Bayuda, si kino kihano kimùkayiri bweneene, kinali mu mùsiriiza mu mitima! Yikyo kihano, íbitumiri kigakoleka imwinyu, bwo mukiri mu gira íbitali nga byo.»

Hayubu 15:35

Bagweti bagashungika amakuba naaho, naꞌmabi. Bali mu yitoneesa naaho, ngiisi kwo bagalyalyania abaabo.»

Hayubu 15:31

«Batakwaniini ukukizi yiteba, mu kulangaalira ibikoboola. Iri bangabibiika kwoꞌmulangaaliro, ndaabyo bagalonga.

Migani 1:31

Na bwo mwâli kizi yifunda mu mabi, leero mwayikululira umwama. Bwo mwâli kizi shungikira abandi amagambi, buno mwenyene mwe mugakizi galongaga.

Hisaaya 17:11

Yizo mbuto, muli mu zibyala lusiku luguma, zinayami mera. Na úbugaakya, zinaleete akaaso. Halikago, ikyanya muli mu gira mbu muyimbule, ehee! Zinayami nyerera. Mukuba, yizo mbuto zooshi, ubulwazi buli mu yami ziyita.