Hayubu 39:21 - Kifuliiru

²¹ Ikyanya iri mu ba igatibitira mwiꞌzibo ku bukalage, iri mu kwalula-kwalula idaho hiꞌgulu lyeꞌbyuja.

Hayubu 39:21 Referans Kwoze

Yeremiya 8:6

Ngiisi byo bashuba mu deta, nabiyuvwa byoshi. Si bashuba mu ravwanga ngana! Mu kati kaabo, ndaaye úli mu jengeerwa hiꞌgulu lyaꞌmabi gaage, mbu atee yibuuza, ti: “Ala nie! Maki gano ngweti ngaagira?” Si ngiisi muguma wabo, agweti agatibita bwalaafwe mu byaha, nga fwarasi íri mu girigimba mwiꞌzibo.

Yeremiya 9:23

Umundu, iri angagira mbu ayihaye, akizi yihaya naaho bwo akoli nyiiji, kwo nie Nahano, na kwo ndi mu kizi kundana mu kati koꞌbwemeera, na kwo ndi mu kizi twa imaaja mu kati koꞌkuli. Abandu ábali mu yihaya kwokwo, bo bali mu nzimiisa.» Kwokwo, kwo Nahano adesiri.

Migani 21:31

Kundu ifwarasi ziri mu biikwa mwiꞌzibo, si ubuhimi buli mu lyoka imwa Nahano.

Zaburi 19:5

Kundu kwokwo, indumwa yabyo iri mu kwira mu mahanga gooshi, halinde inahike heꞌkihugo kihekiiri. Yaho hiꞌgulu, Rurema akaloogeza izuuba ho ligabeera.

1 Samweri 17:42

Uyo Mufirisiti, iri akayitegeereza Dahudi, anabona kwo kundu agweti amagala miija, haliko, akiri mwanuke. Kyanatuma agamúgayiriza bweneene.

Batwi beꞌmaaja 5:22

Ku yikyo kyanya, ifwarasi zanalenga zigweti zigagirimba. Ziri mu girimba ku binogosho byazo, iri zinaganga.

Hayubu 39:22

Iyo fwarasi, iri mu shekeereza umugoma, itali mu yoboha, itanali mu kangwa. Kiri neꞌkyanya iri mu ba imbere lyeꞌngooti, itangagaluka kifudeete.