Hayubu 39:11 - Kifuliiru

¹¹ Iyo mbogo, kundu ihiiti imisi mingi, haliko utangakizi gilangaalira. Utangagikoleesa, ikizi kugirira imikolwa yawe.

Hayubu 39:11 Referans Kwoze

Hisaaya 30:16

Mukadeta, ti: “Twehe, íbitugooziri, tulonge ifwarasi, gira tukizi suula umulindi.” Yukwo kusuula umulindi kwinyu, kugaaba naaho mu kupuumuka. Ka mutoniri kwo zirya fwarasi zigamùtabaala? Aahabi! Si ifwarasi za ábali mu mùhiiva, zo zigasuula umulindi ku zeꞌmwinyu.

Hisaaya 30:6

Ku biloziri inyamiishwa za mwiꞌshamba lyeꞌkisaka, Rurema adetaga kwokuno: «Abandu baani bali mu genda bahesiizi bapunda neꞌngamiya akanyamwala keꞌbindu, banaberuuze mu namuhirye wiꞌshamba, anali mwaꞌmagoorwa ga kwingi-kwingi, naꞌmakuba. Muli ifiizi zeꞌndare, naꞌmabuguma gaazo. Muli neꞌmijoka yaꞌmanjoka-njoka, neꞌbindi bihuume byeꞌmijoka. Bali mu gendi tengula Abamiisiri, mbu lyo babatabaala. Kundu kwokwo, balya Bamiisiri, ndaabyo bagabahanyira.

Migani 14:4

Ikyanya ishuuli zoꞌkulima zibulisiri, iri ndaabyo mu kihinda. Si ikyanya ishuuli iri mu kola ku mwete, hali mu ba umwimbu ku bwingi.

Zaburi 147:10

Nahano, mu kubona imisi mingi yeꞌfwarasi, atasiimiri. Atanasiimiri mbu bwaꞌmagulu goꞌmundu gafiisiri.

Zaburi 144:14

Ingaavu ziitu, zigakizi ba zishishiri, zinafiike. Inzitiro ziitu, zitâye tulwe. Naꞌbandu biitu, batâye gendi shwekerwa i mahanga. Mu kaaya kiitu, mutâye be ikimombo hiꞌgulu lyaꞌmalibu.

Zaburi 20:7

Bwo Nahano keera akatoolaga umwami, anamúshiiga amavuta, nyiji kwo aganamúkiza. Ee ma! Agamúshuvya ukulyoka mwiꞌgulu, Ahandu Heeru. Na mu kumúkiza, agakoleesa ubushobozi bwage.

Ndondeko 42:26

Yago masuuzu gaabo kwo gâli kola mweꞌngano, banagashoneza ku bapunda baabo, banataaha.

Ndondeko 9:2

«Ukulyokera buno, inyamiishwa zooshi za mu kihugo zikola zigakizi mùyoboha, kiri noꞌtunyuni twoshi twa mu kyanyaanya, neꞌbiremwa byoshi íbiri mu yibulula, neꞌfwi zooshi za mu nyaaja. Yibyo byoshi, mwe mugaaba noꞌbushobozi hiꞌgulu lyabyo.

Ndondeko 1:28

Yabo bandu, iri Rurema akayusa ukubabumba, anabagashaanira mu kubabwira: «Mukizi buta, munayushuuke, halinde mukwire mu mahanga gooshi. Munabe mwe batwali baago, naꞌbeꞌfwi, na boꞌtunyuni, naꞌba ngiisi kiremwa kyoshi íkiri mwoꞌbugumaana, kinabe kiri mu genda kwiꞌdaho.»

Ndondeko 1:26

Ha nyuma, Rurema anashubi kyula: «Tubumbage abandu, babe nga ngiisi kwo tuli, halinde batushushe. Babe batwali beꞌkihugo na íbikiri mwo byoshi, ngeꞌfwi, noꞌtunyuni, neꞌbitugwa, neꞌbizimu, na íbiri mu yibulula.»

Hisaaya 46:1

Imizimu Beeri na Nebo, yeꞌBabeeri, leero ikola mu goka. Iyo mizimu yo ishuba mu kizi lengezibwa naꞌbandu ku bisegengo, ikoli ba miteekerwa naaho, íri mu twalwa neꞌbitugwa. Na bwo ikola mizito, ikoli bizidohiiri bweneene.

Hayubu 39:10

Iyo mbogo, utangagishweka, gira ikizi kuhingira indalo. Itangakizi kulula ifuka yoꞌkuhinga.

Hayubu 39:12

Iyo mbogo, utangagiyegamira kwo igakuseehera imimbu yeꞌngano, inagileete halinde ho ugagiyeluulira.

Muharuuro 23:22

Rurema keera akabalyosa i Miisiri, anahiitagi imisi nga ya mbogo.