Hayubu 34:9 - Kifuliiru

⁹ Keera anadeta mbu: “Kituma kiki umundu angateera ikihe mu kugira mbu asimiise Rurema?”

Hayubu 34:9 Referans Kwoze

Hayubu 35:3

Wanashubi buuza, mbu: “Mu kuyiyeka ibyaha, biki byo nangayunguka? Si ndaabwo bunguke!”

Malaki 3:14

Naani, nie Nahano, namùshuvya kwokuno: “Si keera mukadeta: Ukukolera Rurema kutatuhitiiri akamaro. Ee ma! Kundu tusimbahiragi imaaja zaage, tunali mu múyereka kwo twatwikira ku byaha biitu, si ndaabyo tuyungusiri!

Zaburi 37:4

Ukizi shagaluka mu kati ka Nahano, halinde akuheereze ngiisi byo usiimiri mu mutima gwawe.

Hayubu 27:10

Yabo banangora-mabi, batangashambaala imbere lya Rurema woꞌbushobozi bwoshi, batanâye mútabaaze.

Hayubu 22:17

«Bâli kizi bwira Rurema, mbu: “Ngahwe! Utushaagire hano. Kundu we Rurema woꞌbushobozi bwoshi, haliko ndaabyo ugatugirira.”

Hayubu 21:30

Ikyanya Rurema ali mu ba akoli rakiiri, anabe aloziizi ukuhana abandu, nangora-mabi ali mu fuushuka.

Zaburi 50:18

Ikyanya ugweti ugaabona umuzimba, uli mu yami múyibiika kwo. Unali mu komeerana naꞌbashule.

Zaburi 73:13

Niehe, ikyanya ndi mu kizi yihangaana, na mbonage naaho kwo ndaabyo nagira. Kiri neꞌkyanya ndi mu kizi yilanga, mbu ndagire ubuligo, ndaako kamaro kooshi nalonga.

Hayubu 22:3

Iri wangaba uli woꞌkuli, unabe utungiini imbere lyage, ka utoniri kwo uli mu shambaaza Rurema woꞌbushobozi bwoshi? Ka halyagagi ubunguke bwo angakulonga kwo?

Hisaaya 58:3

Yabo bandu bagweti bagayidesa kwokuno: “Kundu tushuba mu yishalisa, si utatutwaziizi. Aaho! Kamaro kaki ko twalonga? Kundu tugweti tugayibiika haashi, si utatubwini.”» Kundu kwokwo, Nahano adetaga kwokuno: «Ikyanya mugweti mugayishalisa, si mugweti mugayihahalira mwenyene, munabe mugweti mugalyalyania abakozi biinyu.