Hayubu 34:10 - Kifuliiru

¹⁰ «Bwo mukoli hiiti ubumenyi, mutee nyuvwiriza. Si abandu booshi bayiji-yiji kwo Rurema atangagira ubuligo. Mukuba, ye Rurema woꞌbushobozi bwoshi. Aahago! Kuti kandi kwo angakizi huba?

Hayubu 34:10 Referans Kwoze

Barumi 9:14

Aaho! Tudete kutagi? Ka Rurema atali mu gira íbikwaniini? Kutali kwokwo!

Bukengeeze 32:4

ye na lwala. Imikolezi yage ikwaniini. Neꞌnjira zaage zooshi, ziri zoꞌkuli. Rurema witu ali mwemeera, ndaanago mahube go ali mu gira. Ayamiri ali mu gira íbikwaniini, na íbiri byoꞌkuli.

Hayubu 8:3

Aahago! Ka utoniri kwo Rurema agweti agashobania ukuli? Si ali Rurema woꞌbushobozi bwoshi! Yehe atangakushobania.

2 Kutondobola 19:7

Kwokwo, mukizi múyoboha. Ngiisi igambo lyo mugaagira, mukizi ba masu. Mumenye kwo Nahano, Rurema witu atali mu siima, ikyanya abandu bali mu shobania ukuli, banabe bali mu bonerana, kandi iri ukubulikwa.»

Yakobo 1:13

Ikyanya umundu agagezibwa, atadete kwo Rurema ye wamúgeza. Mukuba, Rurema atangagezibwa naꞌmabi. Ndaanaye mundu ye angageza.

Ndondeko 18:25

Nanga! Utangayita ábakwaniini, na ábatakwaniini. Bitanganaziga kwo ábayimaaziri mu kuli, bahanirwe kuguma na banangora-mabi. Si we mutwi weꞌmaaja wa mu kihugo kyoshi, unali mu zitwa mu kati koꞌkuli.»

Zaburi 92:15

Kiri neꞌkyanya bagaaba bakola bashaaja, bagaaba bakiri bagumaana. Ee! Bagaaba bakiri naꞌmakama, banabe bakiri mu tongeka.

Hayubu 36:23

Ndaaye úwangashungikira Rurema byo agaagira. Ndaanaye úgamúbwira, mbu: “Ewe! Si keera wahuba!”

Migani 6:32

Kiri noꞌmushosi úgweti úgasambana muka uwabo, naye ndaabwo bwenge ahiiti! Si ali mu yishereeza yenyene!

Hayubu 37:23

Rurema woꞌbushobozi bwoshi, tutangamenya ngiisi kwo ali. Ali kikalage bweneene, anali woꞌkuli. Atanali mu shobania imaaja, mu kutuhana ku njira ítali nga yo.

Yeremiya 12:1

E Nahano, ngiisi kyanya ndi mu kuleetera ulubaaja, unayamiri uli mu lutwa ku njira íkwaniini. Aaho! Lekaga ngubuuze: Balya banangora-mabi, kituma kiki bakiri mu genduukirwa? Si balyagagi ngalagaaja! Aaho! Kituma kiki bayamiri bajeberiiri?

Migani 15:32

Umundu, ikyanya ali mu longa ikihano, anakigayirize, ali mu ba ayigayiriza yenyene. Si ngiisi úli mu yemeera ukuhanuulwa, ali mu longa ukusobanukirwa.

Hayubu 34:34

«Abanabwenge, naꞌbitegeereza, ikyanya bagakizi nyuvwiriza, bagaadeta, ti:

Hayubu 34:12

«Si yenyene, ndaabwo buligo bwo angagira. Atanganashobania ukuli, kiri neꞌhiniini.

2 Samweri 22:31

«E Rurema, ngiisi byo uli mu gira, bikwaniini bweneene. Ngiisi byo uli mu ndagaania, uli mu bigira. Ngiisi úli mu kutibitira, we siribo yage.

Zaburi 145:17

Nahano ali mu gira íbikwaniini mu kati ka byoshi, anali mu ba akuuziri byoshi byo akabumba.

Sefaniya 3:5

Kundu kwokwo, kalya kaaya, Nahano aki katuuziri mwo, anayamiri ali woꞌkuli. Yehe, ndaakyo kyanya ali mu gira igambo íritakwaniini. Ngiisi lusiku shesheezi, ali mu twa imaaja mu kati koꞌkuli, anayamiri ayemiirwi. Halikago, abakozi baꞌmabi boohe, ndaazo ishoni bayuvwiti, kiri neꞌhiniini.