Hayubu 3:4 - Kifuliiru

⁴ Yulwo lusiku, luzingwe neꞌkihulu. Rurema, kwo ayamiragi mwiꞌgulu, ataki lutwaze. Hatanabe kiri neꞌhikeera íhigalumolekera.

Hayubu 3:4 Referans Kwoze

Bwigule 16:10

Umuganda wa kataanu, naye anamwaguliraga íbiri mu mutanga gwage ku kitumbi kyoꞌbwami kya kirya kirara. Lyeryo, ubwami bwakyo bwanayami yidika mweꞌkihulu kya namudidi! Abandu banakizi sisimira, iri banakaaja indimi zaabo.

Mikolezi 27:20

Hanalenga isiku nyingi izuuba neꞌndonde bítaboneka. Neꞌyo nyaaja iki genderiiri ukukundula-kundula. Twanayihebuura kwo tutagaki kira.

Mataayo 27:45

Iri hakaba bikola bihe ndatu bya mwiꞌzuuba, ubwire bwanayidika mu kihugo kyoshi, halinde ukuhisa ku bihe mwenda.

Hamoosi 5:18

Si mugweti mugaadeta: «Ulusiku lwo Nahano agaatwa kweꞌmaaja, tululindiiri ku kyedu bweneene!» Yayewe imwinyu! Lulya lusiku, kundu mugweti mugalulindirira, si lutagamùleetera umulengeerwe, lunabe lwa kihulu naaho.

Yuheeri 2:2

Yulwo lusiku, luli mweꞌkihulu kya namudidi, lunali lweꞌbibungu bizito. Aaho! Langiizi ngiisi kweꞌkiso kihamu kyeꞌbizimu kiri mu hika. Kigweti kigayija ngana, nga kwiꞌzuuba liri mu tunduuka shesheezi. Yibyo bizimu, biri kandaharuurwa, binali neꞌmisi bweneene. Yiryo igambo, litazindi boneka, litanâye shubi boneka!

Bukengeeze 11:12

Kiri kihugo kyo Nahamwinyu yenyene agweti agahahala. Amasu gaage, gali mu kizi kilola-lola kwo, ukulyokera ku ndangiro yoꞌmwaka, halinde ku mbeka yagwo.

Hayubu 3:3

«Bulya bushigi bakadeta: “Umukazi aheeka inda yoꞌmwana mutabana.” Aahabi! Bulya bushigi buhotolwe, kuguma noꞌlusiku lwo nꞌgabutwa kwo.

Hayubu 3:5

Yulwo lusiku, luyizingage mweꞌkihulu kya namudidi. Ikibungu kiiru kilubishe, halinde ikihulu kilubwikire.