Hayubu 3:14 - Kifuliiru

¹⁴ Nangabiiri nduhuusiri kuguma naꞌbaami, bo naꞌbagingi ba mu kihugo. Kundu bâli yubasiri inyumba mbamu, haliko buno bikolaga biguuka.

Hayubu 3:14 Referans Kwoze

Hayubu 15:28

Kundu kwokwo, utwaya twabo tugaashaka. Banakola bagatuula mu nyumba ízikasigwa naꞌbandi, zinakola zigayihongoleka haashi.

Hezekyeri 26:20

«Neꞌri hagaatama, na ngulindimulire i kuzimu, gira ugwane yo ábakafwa kare. Ugabeera yeyo imyaka neꞌmyakuula, kuguma naꞌbandi abafwiri. Utanâye ki lyoke yo, mbu ushubi tuula mu bagumaana.

Hisaaya 58:12

Birya biguuka biinyu, mugashubi biyubakulula. Muganayubakululira ku zeezirya ndaliro za kare. Munabe mumenyekiini kwo mwe mukayubakulula inzitiro zeꞌbiguuka, na kwo mwe mukalingaania injira za mu kaaya.»

Hisaaya 5:8

Yayewe imwinyu, mwe mugweti mugagaaza inyumba ku zaabo, munali mu kizi gaaza indalo ku zaabo. Si abiinyu booshi, keera mukabahavya mu kihugo, munakoli kisigiiri mwo mwenyene!

Mwigiriza 8:8

Ndaaye mundu úhiiti ubushobozi bwoꞌkugwatirira umutima gwage. Ndaanaye úwangahangirira Narufu atamútwale. Ikyanya kiꞌzibo, ndaaye úwangahanguulwa mbu ataahage. Kwo na kwokwo, iri wangaba ugweti ugakizi gira amabi, yago mabi gatangalunguli kulikuula.

Zaburi 89:48

Ukengeerage ngiisi kweꞌsiku zaani ziri nyoofi bweneene. Ee! Kundu ukabumba abandu, si booshi balyagagi ba kufwa naaho.

Zaburi 49:14

Yabo bahwija, kundu bangamenyekana kwo bo bali bitegeereza, banakizi na yilangaalira, haliko ku mbeka, bali mu fwagaga ngaꞌbandi.

Hayubu 30:23

Nyiji bwija kwo ugweti ugammanulira i kuzimu, mu bafwiri. Yeyo munda, yaꞌbandu booshi bagayiji humaanana.

Hayubu 12:17

Kundu abandu bangaba bali bahanuuzi, ali mu batwala mu mbohe. Kiri naꞌbatwi beꞌmaaja, ali mu bahindula babe bahwija.

1 Baami 11:43

Iri hakazinda, mwami Sulumaani anashaaja, anaziikwa mu kaaya ka yishe Dahudi. Ahandu haage, banayimika mugala wage Rehobwamu.

1 Baami 2:10

Mwami Dahudi, ikyanya akashaaja, banamúziika haaho mu kaaya kaage, i Yerusaleemu.

Hayubu 12:18

Ali mu hogola abaami amakanju gaabo malimbiise, akabuli bashweka imigozi mu bibuno, noꞌkubatwala mu buja.

Hisaaya 14:18

«Abaami ba mu kihugo, bali mu kizi ziikwa mu kati koꞌlushaagwa, ngiisi muguma mu shinda yage.

Hisaaya 22:16

«E Sebuna, maki gano? Biki byo ugweti ugaagira? Nyandagi úkakuhanguula kwo uyihumbire ishinda hano? Aahago! Kituma kiki ugweti ugagiyibaajira mu luno lwala?