Hayubu 3:10 - Kifuliiru

¹⁰ Yulwo lusiku, si lukambanguula kwo mbutwe. Lwanahanguula kwo mbone yaga makuba gooshi-gooshi.

Hayubu 3:10 Referans Kwoze

Yeremiya 20:17

Aahago! Ikyanya nꞌgabutwa, kituma kiki Nahano atakayami nyita? Nga Rurema ákinyitire mu nda ya maawe naaho! Bwangábiiri bwija inda yage, ibaagage yo shinda yani.

Mwigiriza 11:10

Utakizi ki gerania. Neꞌri wangalyanirwa mu magala, utakutwaze. Si ubusore bwawe, kuguma naꞌmalega gaabwo, bigalenga duba.

Hayubu 23:2

«Zeene, ngi gweti ngayidodomba mu kati koꞌbululu. Na íbitumiri ngagongeera, bwo Rurema akola mu ndibuza bweneene.

Hayubu 10:1

«Ngoli shombiri uburambe bwani. Kwokwo, leka nyidodombe buzira kuhangirirwa. Bwoꞌmutima gwani gukola mwoꞌbululu, ngwiriiri ndetage.

1 Samweri 1:5

Haana yehe, kundu Nahano âli ki múshwesiri ibuta, Herikana âli múvunikiiri bweneene, kyanatuma agakizi músumburusa.

Ndondeko 29:31

Nahano, iri akabona kwo Leya akorora, anamúheereza ibuta. Si Laheeri yehe, anagumba.

Hayubu 3:9

Yulwo lusiku, indonde zoꞌmukyo, zibeerage mu kihulu. Kundu lwangayifwija ukubona ulukeera, haliko lubulikage. Lutabonage ngiisi kwo lukula agaatema.

Hayubu 3:11

«Ikyanya nꞌgahuluka mu nda, kituma kiki ndakayami fwa? Si nangabutwa, ngoli fwiri!