Hayubu 29:3 - Kifuliiru

³ Itara lyage lyâli kizi mmolekera. Kundu nâli riiri mu kihulu, haliko nanakizi genda mu mulengeerwe gwalyo.

Hayubu 29:3 Referans Kwoze

Zaburi 18:28

Ee! Abanabwikangaate, uli mu batindimaza. Si abatuudu boohe, uli mu bakiza.

Yohana 8:12

Yesu anashubi bwira abandu: «Niehe, nie mulengeerwe gweꞌkihugo! Umundu, iri angaba angulikiiri, atâye ki gende mu kihulu. Si agaaba akola noꞌmulengeerwe úguli mu leeta ubugumaana.»

Hayubu 18:6

Mu nyumba yabo, umulengeerwe gugahinduka kihulu. Kundu itara lishubi teresirwi ha butambi lyabo, ligaki zima.

Bahefeso 5:8

Yaho keera, mwâli ki riiri bandu beꞌkihulu. Haliko buno, mukolaga bandu boꞌmulengeerwe mu kati ka Nahano. Ku yukwo, mutuulage nga bandu boꞌmulengeerwe.

Yohana 12:46

Niehe nꞌgayija mu kihugo ndi mulengeerwe gwakyo. Kwokwo, iri umundu angaba ambiisiri kwoꞌbwemeere, atâye kituule mu kihulu.

Hayubu 22:28

Kwokwo, ngiisi igambo lyo ugashungika, ligakizi genduukirwa. Ikyanya ukola mu njira, umulengeerwe gugakizi kumolekera.

Hayubu 11:17

Uburambe bwawe, bugalangashana ukuhima izuuba lya kalenge-renge. Kiri neꞌkihulu, kigatanguula nga mukyo.

Migani 24:20

Si nangora-mabi, ku bigayija, ndaagwo mulangaaliro gwo ahiiti! Ubulamu bwage bugaahera, nga kwiꞌtara liri mu zima.

Zaburi 84:11

Iri nangahisa ulusiku luguma naaho ndi mu nyumba yawe, luhimiri isiku kihumbi zo nangamaziri ndi handi-handi. Nanganasiima ukukizi langa imiryango yeꞌnyumba ya Rurema wani, ho nangatuula mu nyumba za banangora-mabi.

Bahefeso 5:14

Na byoshi, ikyanya biri mu ba bikola mu mulengeerwe, iri nabyo gukolaga mulengeerwe. Kyo kitumiri bidesirwi kwokuno: «We gwejiiri mu bafwiri, uvyukage, unabazuuke mwo! Kwokwo, lyo Kirisito agakutanguulira.»

Hisaaya 2:4

Yibyo binyamahanga, Nahano agakizi bihambuula, halinde banatuule mu kati koꞌmutuula. Ingooti zaabyo, zigaatulwa mweꞌfuka zoꞌkuhinga. Kiri naꞌmatumu, gagaatulwa mweꞌmigushu. Ndaagwo mulala úgugaki gendi lwisa ugwabo, batanâye ki yikomereze kwiꞌzibo.

Migani 13:9

Abandu biija, bali mu tanguula bweneene! Si banangora-mabi boohe, bali ngiꞌtara írizimiri.

Zaburi 27:1

Izaburi ya Dahudi. Nahano ye mulengeerwe gwani, ye nali mu ngiza. Aaho! Nyandi ye ngaki yoboha? Nahano ye mu ndanga, gira ndayitwe. Nyandagi úwangaki ndeera ikyoba?

Zaburi 23:4

Na kundu nangalenga mu kabanda ákayidisiri mweꞌkimbehwa kyoꞌlufu, ndagayoboha. E nahamwitu, tuyamiinwi! Ubuhiri bwawe, neꞌngoni yawe, bigweti bigakizi ndanga, halinde na mboleere.

Migani 20:20

Ngiisi úgadaaka yishe, kandi iri nyina, agayitwa. Agaaba ngiꞌtara írizimiri, anabe mu kihulu kya namudidi.

Zaburi 4:6

Mukizi tangira Nahano amatuulo ágakwaniini, iri munamúbiika kwoꞌmulangaaliro.

Hayubu 21:17

Amatara gaabo, gatali mu zima, batanali mu longa amagoorwa. Rurema atanali mu bajengeeza ku buraakari bwage.

Zaburi 18:29

E Nahano, wehe uli itara lyani. Ikyanya ndi mu yidikirwa neꞌkihulu, uli mu kihindula, gube mulengeerwe.

Zaburi 112:4

Yabo bandu boꞌkuli, kundu bangaba bakola mu kihulu, haliko, umulengeerwe gugakizi batanguulira. Bagweti bagakizi tabaalana, banali mu gashanirana, banali mu yuvwiranwa indengeerwa.