Hayubu 26:8 - Kifuliiru

⁸ Ashwesiri amiiji mu bibungu, lyo biba bizito. Kundu kwokwo, yubwo buzito butali bwo butumiri biri mu bereka.

Hayubu 26:8 Referans Kwoze

Migani 30:4

Aaho! Nyandi úkazamuukira mwiꞌgulu anashubi yija hano mu kihugo? Nyandi úkafumbata imbuusi? Nyandi úkaboha amiiji mu mulondo? Nyandi úkabiika imbibi zeꞌkihugo? Uyo, iziina lyage ali nyandi? Na mugala wage, iziina lyage ye nyandi? Iri wangaba umúyiji, umúmbwire.

Yeremiya 10:13

Ikyanya ali mu kyula, amiiji mwiꞌgulu gali mu yami yigusha haguma, Ali mu kuumania ibibungu hooshi mu kihugo. Ku kyanya kyeꞌnvula, analyamuze ikiryamu. Anahuuse neꞌmbuusi ukulyoka mu bihinda byage.

Hisaaya 5:6

Ee! Iyo ndalo, ngagisivya lwoshi-lwoshi. Imizabibu yamwo, itâye ki yahulirwe, kandi iri kuyufirirwa. Igaamera naaho mweꞌmigenge neꞌmihanda-njovu. Nganahangika ibibungu, bitaginiekeze invula.»

Zaburi 135:7

Ali mu zamuula ibibungu íbiri ku mbeka yeꞌkihugo, analeete neꞌmilavyo, halinde invula inatonye. Ali mu lyosa neꞌkihuhuuta mu bihinda byakyo.

Hayubu 38:37

Hali ikyanya idaho liri mu yumaguka, halinde uluvu lunagwatane. Aaho! Nyandi úwangahasha ukugaaja ibibungu, halinde invula inanie mu kihugo?

Hayubu 38:9

Na nyandi úkatumbikira inyaaja neꞌbibungu, halinde yanazinga kweꞌkihulu kya namudidi?

Hayubu 36:29

«Ndaaye úsobanukiirwi ngiisi kweꞌbibungu biri mu yajaala, kandi iri ngiisi kweꞌnguba iri mu lavya kwiꞌgulu.

Zaburi 147:8

Mukuba, ye biisiri ibibungu kwiꞌgulu, ye nali mu niesa invula mu kihugo, halinde imigazi inamere kweꞌkishuka.

Migani 8:28

Nâli kola ho neꞌkyanya akabiika ibibungu kwiꞌgulu, neꞌshyoko zeꞌnyaaja.