Hayubu 26:12 - Kifuliiru

¹² «Ku bushobozi bwage, akahoohya inyaaja. Na ku buhinga bwage, anavungula Rahaabu, kirya kihuume kyeꞌfwi.

Hayubu 26:12 Referans Kwoze

Hisaaya 51:15

Nie Rurema Nahamwinyu. Ndi mu kunduza inyaaja, halinde imidunda yayo inakizi lunduma. Iziina lyani, nie Nahano woꞌbushobozi bwoshi.

Yeremiya 31:35

Rurema, iziina lyage ye Nahano woꞌbushobozi bwoshi! Ye mu yasa izuuba ku bukiiri. Ye nali mu yasa umwezi neꞌndonde bushigi. Ali mu kizi yehuula imidunda, inakizi yipukula ku ngombe yeꞌnyaaja.

Hisaaya 51:9

E Nahano woꞌbushobozi bwoshi! Vyuka maashi! Uvyukage! Ukizi koleesa ubushobozi bwawe, nga kwo wâli kizi gira yaho keera. Aaho! Ka utali we katema-tema kirya kingisho-ngisho Rahabu? Ka utanali we katumita kirya kingisho-ngisho kyoꞌmujoka gwa mu nyaaja?

Hayubu 12:13

Kundu kwokwo, ubwitegeereze noꞌbushobozi nirizina biri byeꞌmwa Rurema naaho. Ye mu hanuula ku njira nyija, anali mu sobanukirwa.

Hayubu 9:13

Si ukuraakara, ali mu raakara ngana! Kiri neꞌbihuume byeꞌfwi, biri mu goka imbere lyage, iri binajuguma.

Yakobo 4:6

Kuguma na yibyo, Rurema ali mu tuyushuulira ulukogo. Kyo kitumiri biyandisirwi mu Mandiko Meeru na kwokuno: «Ikyanya abandu bali mu yiheemya, Rurema ali mu batindimaza. Si abatuudu boohe, ali mu bagashaanira.»

Hisaaya 2:12

Ngiisi ábagweti bagayikuza, mu lwolwo lusiku, Nahano woꞌbushobozi bwoshi agabahana, anabatindimaze.

Zaburi 74:13

We kabunduula inyaaja ku bushobozi bwawe. Neꞌkyanya ukabona kirya kihuume kyoꞌmujoka mu nyaaja, wanakifuta-futa.

Zaburi 29:10

Nahano atwaziri hiꞌgulu lyoꞌmwijulire. Yenyene alyagagi mwami, anatwaziri imyaka neꞌmyakuula.

Hayubu 26:11

Ikyanya Rurema ali mu kanukirana, lyeꞌnguliro ziꞌgulu ziri mu soomerwa, zinakizi juguma.