Hayubu 24:23 - Kifuliiru

²³ Kundu Rurema angabaleka bakizi tuula mu mutuula, haliko amasu gaage gayamiri gali mu baloleekeza.

Hayubu 24:23 Referans Kwoze

Migani 15:3

Amasu ga Nahano gali mu bona byoshi. Ee! Gayamiri gali ku babi, kiri na ku biija.

Bwigule 2:23

Abakulikizi baage, ngabayita. Kwokwo, lyaꞌbandu ba mu mashengero gooshi bagaamenya kwo nie mu loleekeza íbiyifundereziizi mu mitima yaꞌbandu. Ngiisi muguma winyu, ngamúhemba ukukulikirana na ngiisi kwo âli kizi gira.

1 Batesaloniki 5:3

Neꞌkyanya abandu bagaaba bakiri mu deta: «Tuli noꞌmutuula, tuli noꞌbutoge», lyeryo lyo bagayami shereezibwa. Bigaaba nga kwoꞌmukazi weꞌnda ali mu yami hikirwa noꞌmukero. Yabo bandu batagafuushuka, kiri neꞌhiniini!

Luka 12:45

«Haliko, tudetage ngoꞌyo mukozi angayigamba, ti: “Si Nahamwitu, keera atinda bweneene!” Ulya mukozi, anatondeere ukulimbagula abaabo bakozi, abashosi naꞌbakazi. Anakizi lya noꞌkunywa, halinde analaluke.

Habakuki 1:13

Kundu kwokwo, ulyagagi mweru. Utali mu kejeerera amabi, utali mu gooyera ibihigo. Aaho! Kutagi wayihulikira, wanabalekeerera baminike abandu ábakwaniini ukubahima?

Hamoosi 9:2

Kundu bangayihumbiraga halinde banahike i nakwere, ngayisa ukuboko, ninashubi bakulula. Na kundu bangashona mwiꞌgulu, ngabashungulula yo.

Hamoosi 8:7

Nahano agweti agashiikiza kwokuno kwiꞌziina lyage: «Yibyo byaꞌBahisiraheeri bagweti bagaakola, ndâye biyibagire!»

Hisaaya 56:12

Bali mu kizi kemana kwokuno: «Yijagi, tugendi looza idivaayi. Tugendi laluka amaavu geꞌngangu. Kwokwo kwo tugaagira, kiri na kusheezi. Si kusheezi lyo tugashambaala ingingwe.»

Mwigiriza 8:11

Baguma, kundu bagweti bagaagira amabi, halikago batali mu hanwa duba. Kwokwo, lyaꞌbaabo nabo bali mu ba bakoli shungisiri kwo bagendi gagira.

Mwigiriza 5:8

Ee! Ubugale bweꞌkihugo, buli mu liibwa naꞌbandu booshi. Kiri na mwami yenyene, alangaliiri kwo naye agalonga kwiꞌyo mimbu.

Migani 5:21

Ewe! Si Nahano abwini-bwini ngiisi kwo ugweti ugaagira. Na ngiisi ho ugweti ugalenga, Nahano ali mu ba ahabwini.

Hayubu 12:6

Kiri naꞌbanyazi, batuuziri mu mutuula. Kundu bali mu shomboroza Rurema, si bakiri noꞌbutoge. Batoniri kwo Rurema ali mukozi wabo naaho.

Hayubu 11:11

Si Rurema ayiji ngiisi ábali balyalya, anabwini ibyaha byabo byoshi.

Hayubu 10:4

Amasu gaawe, ka gali mu ba ngaꞌmasu goꞌmundu? Ka uli mu bona naaho, nga kwoꞌmundu ali mu bona?

Hayubu 31:4

Si niehe, Rurema abwini-bwini ngiisi byo ndi mu gira. Indambo zaani, agweti agaziharuura zooshi.

Hayubu 34:21

Amasu ga Rurema, gayamiri gali mu loleekeza abandu. Ngiisi byo bali mu gira, abibwini-bwini byoshi.

Zaburi 119:168

Ee! Nzisimbahiri bweneene, kuguma neꞌmihango yawe. Mukuba, ngiisi byo ngweti ngaagira, ubiyiji-yiji.

Zaburi 10:5

Emwe! Umundu mubi, ngiisi hyo ali mu huma kwo, hiri mu kizi múgenduukira. Ayamiri agweti agashekeereza abagoma baage booshi, si imaaja zaawe, atali mu zitwaza.