Hayubu 24:13 - Kifuliiru

¹³ «Yabo banangora-mabi, bali mu hagana noꞌmulengeerwe. Batanayijagi ngiisi ho guli mu genda, batanali mu siima ukugukulikira.

Hayubu 24:13 Referans Kwoze

Yuda 1:6

Kiri naꞌbaganda baguma, ikyanya akabaheereza ubutwali, banabugayiriza. Banatyoza na ho bâli tuuziri. Kwokwo, Rurema anabadendeka neꞌmirinda halinde imyakuula, banabeera mu kihulu. Anabalindiriziizi ulusiku lukulu lwo bagatwirwa kweꞌmaaja.

Migani 4:19

Si imikolezi ya banangora-mabi, yohe, iri nga kihulu kya namudidi. Batanayiji íbiri mu basiitaza.

1 Yohana 2:19

Yabo bandu, kundu bakalyokaga ha kati kiitu, haliko batâli riiri neꞌngoome na nyiitu. Bákitube mwo, nga batakatuyihandula kwo. Yibyo, biyerekiini kwo ndaaye kiri noꞌmuguma wabo úshuba neꞌngoome na nyiitu.

Yakobo 4:17

Aaho! Iri umundu angasobanukirwa neꞌbiija, atanabigire, iri agira ikyaha.

Barumi 1:32

Bayiji-yiji kwo Rurema abiisiri ulubaaja, kweꞌkyanya abandu bagweti bagayifunda mu mwene yibyo, bakwiriiri bayitwe. Kundu kwokwo, baki genderiiri ukukizi bigiriirira naaho. Neꞌkyanya abandi nabo bali mu bigira, bali mu badumeereza.

Yohana 15:6

Iri umundu atanganyama mwo, agaalashwa imbuga, ngiꞌtavi íryakabulirwa, linayume. Amatavi mwene yago, gali mu toolwa, ganaduulikwe ku muliro, ganasingooke.

Yohana 12:40

«Keera nꞌgabahumaaza amasu, halinde batabonage. Nanabahutiisa neꞌmitima yabo, halinde batakizi sobanukirwa. Nga bitangabiiri kwokwo, hali ikyanya bangayiji hinduka, banabe bandu baani, na mbakize.»

Yohana 12:35

Yesu anashuvya, ti: «Umulengeerwe, muki guhiiti ku hyanya hininiini naaho. Na bwo muki guhiitagi, mukwiriiri mukizi gugenda mwo. Kwokwo, lyeꞌkihulu kitamùzinga. Umundu, iri angagenda mu kihulu, atangabona ho ali mu genda.

Yohana 8:44

«Mwehe, yisho ye Shetaani! Ngiisi byo agweti agayifwija, byo na niinyu muloziizi ukugira. Yehe, ayamiri ali mwitani ukulyokera ku ndondeko. Atanagweti agakulikira ukuli, bwo ndaakwo úkumúli mwo. Ikyanya agweti agabeesha, ali mu ba adeta naaho indeto yeꞌmwabo. Mukuba, ali munabibeesha, anali ye yishe wa banabibeesha.

Yohana 8:31

Balya Bayahudi ábâli koli yemiiri Yesu, anababwira: «Iri mwangakizi simbaha amigirizo gaani, lyo mugaaba bigirizibwa baani nirizina.

Hayubu 5:14

Yabo banabwenge, bali mu zingwa neꞌkihulu, munakiri mwiꞌzuuba. Bali mu mamaata mu kalenge-renge, nga kwo bangamamaata bushigi.

Hayubu 24:12

«Ikyanya bakola bagaafwa, bali mu gongeera. Neꞌkyanya bali mu komeresibwa, bali mu tabaazania kwiꞌzu lihamu. Kundu kwokwo, Rurema atali mu batwaza.

Hayubu 24:14

Umwitani ali mu vyuka shesheezi kare-kare, gira agendi yita abakeni, na banakahuku. Na bushigi, ali mu genda luto-luto nga muzimba.

1 Baami 3:20

Kahola-masiga, ikyanya ngiri mwiꞌro, anavyuka, anayiji nyomboola uweꞌmwani, anagendi múgwejeza ku ngingo yage. Ha nyuma, anayabiira ikirunda kyoꞌwe mwage, anayiji kilambika ha butambi lyani.

Hayubu 24:16

Abazimba, bali mu tula inyumba bushigi, haliko, mu mulege-rege, banayiyigalire mu mwabo. Bataloziizi mbu baboneke mu mulengeerwe.

Hayubu 38:13

Ka keera ukagwata ikihugo ku mbeka, wanakishagania, mu kukishaagiza banangora-mabi?

Hayubu 38:15

Yugwo mulengeerwe, gutali mu haabwa banangora-mabi. Na kundu bali mu lambuula ukuboko, mbu bakomeresanie, ehee, kugaavunwa ngana.