Hayubu 24:10 - Kifuliiru

¹⁰ Yabo bakeni bali mu bagendeesa bukondwe, buzira mirondo. Banakizi babetuza imimbu, iri banashalisiri.

Hayubu 24:10 Referans Kwoze

Bukengeeze 24:19

«Ikyanya ugaaba uli mu gesha, unakengeere wayibagira imihuli miguma mu ndalo, utaki galuke mbu yiji gilooza. Nanga! Ugilekere ibinyamahanga byo mutuliinwi, kuguma neꞌfuuvi, na banamufwiri. Kwokwo, lyo Nahano, Rurema winyu, agakizi kugashaanira mu byoshi byo ugakizi kola.

Yakobo 5:4

Yuvwagwi ngiisi kwaꞌbakozi biinyu bagweti bagayamiza! Keera bakakola mu ndalo ziinyu, mutanabahemba. Neꞌkyanya bali mu mùyimbulira imimbu, nabo ukuyamiza kwabo keera kwayuvwikana mu matwiri ga Nahano woꞌbushobozi bwoshi!

Hayubu 24:9

«Yabo babi, bali mu yongoola abaana beꞌfuuvi ku bifuba bya banyina. Bali mu bayabiira, babe ngwati.

Hayubu 24:11

Banakizi yenga amavuta mu mizehituuni ya banangora-mabi, na boonyene batali mu galabula kwo. Banagweti bagakizi kanda idivaayi, banaki nyotiirwi.

Hayubu 31:39

kandi iri nayunguka, mu kuzimba imimbu yalyo, kandi iri nayita beene lyo,

Bukengeeze 24:12

Hali ikyanya uyo mutuulani wawe angaba ali mukeni. Neꞌri angakuhogolera umulondo mbu ibe yo ngwati, utakolwe kwo gwalaala imwawe. Ukwiriiri umúgalulire gwo mu hihwehwerwe. Neꞌkyanya agagwejera, agaguyibwika, anakugashaanize. Kwokwo, ugaaba wasimiisa Nahano, Rurema wawe.»