Hayubu 22:6 - Kifuliiru

⁶ «Ku mugani, tudetage kwo keera ukanyaga uwinyu ibyambalwa, mu kubeesha mbu iri ngwati. Neꞌkyanya ukamúshulumula byo, wanamúsiga bukondwe.

Hayubu 22:6 Referans Kwoze

Kulyoka 22:26

Si ndaagwo gundi ahiiti gwoꞌkuyibwika. Aaho! Biki bindi byo utoniri kwo agayibwika bushigi? Neꞌri angandirira, ngamúyuvwa, bwo ndi munalukogo.

Hezekyeri 18:16

Atanali mu vindagaza umundu yeshi, atanali mu beera neꞌngwati, atanali mu zimba. «Haliko, iri ali mu bona abanamwena, ali mu baheereza byo bagaalya. Na ábali mu bula imirondo, ali mu bayambika.

Hezekyeri 18:12

Anabe agweti agalibuza abakeni na ábatashobwiri. Anabe ali mu zimba. Anabe atali mu galula ingwati. Anabe ali mu tabaaza imigisi. Anabe agweti agaagira ibitalaalwe, kundu biri kyagaza imwani.

Hayubu 24:3

Banali mu nyaga ifuuvi bapunda baabo. Banakizi yabiira ishuuli za banamufwiri, zibe ngwati.

Bukengeeze 24:6

«Hatagirage úgahuuna mwene wabo imbingo, mbu amútwale amabuye goꞌkushya ingano, kandi iri lushyo lwonyene. Iri angagira kwokwo, hali ikyanya uyo mundu atangaki longa byo agaalya.»

Hamoosi 2:8

Bali mu nyaga abakeni imirondo, hiꞌgulu lyoꞌmwenda. Neꞌyo mirondo, ikyanya bali mu gendi yikumba ha tutanda twabo, bali mu giyaja haashi, banagigwejere kwo. Neꞌkyanya bali mu ba mu ndaaro zeꞌmizimu yabo, bali mu kizi nywa amaavu go bakagula ku ndiho ízitakwaniini.

Hezekyeri 18:7

Atanali vindagaza umundu yeshi, si ali mu kizi galula ingwati. Atanali mu zimba. «Si iri abandu bangaba bashalisiri, ali mu baheereza byo bagaalya. Neꞌri bangaba bali bukondwe, ali mu bayambika.

Hayubu 24:7

Bali mu laala ubushigi bwoshi, balyagagi bukondwe. Batahiiti kyambalwa, kiri noꞌmulondo gwoꞌkuyibwika.

Hayubu 29:12

Ikyanya abakeni bâli kizi ndabaaza, nanakizi batabaala, nanakizi tabaala kiri neꞌfuuvi ízitâli hiiti imbere neꞌnyuma.