Hayubu 21:2 - Kifuliiru

² «Yaga magambo gaani, mugayuvwirize ku bwitonde. Lyoki, mubuli mboleeza.

Hayubu 21:2 Referans Kwoze

Baheburaniya 2:1

Keera tukayuvwa amigirizo goꞌkuli. Kwokwo, tukwiriiragi tukizi gakania bweneene, tutayiji kengeera twahabuka.

Hisaaya 55:2

Kituma kiki mukiri mu tanga ifwaranga ku bitagaliibwa? Na kituma kiki mukiri mu yitubanula ku bitagamùmala isabwe? Aaho! Mundegage amatwiri, lyo mulya ibyokulya binunu, halinde imitima yinyu ihesherwe.

Hayubu 34:2

«Mwe bitegeereza, yuvwirizi amagambo gaani. Bwo muhiiti ubumenyi, mundegage amatwiri.

Hayubu 33:1

«E Hayubu, yuvwiriza amagambo gaani. Ikyanya ngaadeta, ukizi ndega amatwiri.

Hayubu 18:2

«Ewe! Yuku kulomboojera kwawe, ugakutwikira kwo mangoki? Tee detage amagambo ágayuvwikiini, gira lyo tulonga ukuganuula bwija.

Hayubu 16:2

«Yago magambo gaawe gooshi, keera nagayuvwa. Si ukuholeezania kwinyu kulyagagi kwa busha!

Hayubu 15:11

Kundu Rurema agweti agakuholeeza, si utamútwaziizi! Kundu ali mu kuganuuza ku bwitonde, si utamúsiimiri.

Batwi beꞌmaaja 9:7

Yotamu, mbu ayuvwe kwokwo, anayami zamuukira kwiꞌrango lyoꞌmugazi Gerizimu, anaberangira kwokuno: «E bandu beꞌShekemu, mundegage amatwiri, halinde lyo niinyu, Rurema akizi mùyuvwa.

Hayubu 21:1

Ha nyuma, Hayubu anashubi shuvya kwokuno:

Hayubu 21:3

Munyigenderere, gira nimùganuuze. Na mango nayusa ukudeta, mukabuli genderera noꞌkunjekeereza.

Hayubu 13:6

«Yuvwirizagi ngiisi kwo ngweti ngayibulanira, munyuvwirize ngiisi kwo ngaadeta naꞌkanwa kaani nienyene.

Hayubu 13:17

Yuvwirizagi amagambo gaani ku bwitonde. Mundegage amatwiri, gira munyuvwe bwija.