Hayubu 2:11 - Kifuliiru

¹¹ Uyo Hayubu, ikyanya akateerwa na yago makuba gooshi, abiira baage bashatu banayuvwa umwazi hiꞌgulu lyage, banayemerezania kwo bagendi múkania indege, iri banamúholeeza. Hâli Herifaazi wa mu kihugo kyeꞌTemaani, na Biridaadi wa mu kyeꞌShuha, na Sofaari wa mu kyeꞌNahama.

Hayubu 2:11 Referans Kwoze

Barumi 12:15

Ikyanya abandu bali mu shambaala, munakizi shambaalira kuguma! Neꞌkyanya bali mu lira, munakizi lirira kuguma.

Hayubu 42:11

Ha nyuma, beene wabo banamúyijira, kuguma naꞌbaali baage, naꞌbiira baage booshi, banashangiira ibyokulya. Banamúyuvwirwa indengeerwa, iri banamúholeeza ku makuba gooshi go Nahano akamúleetera. Ngiisi muguma wabo, anamúheereza ifwaranga, kuguma neꞌmbete zeꞌnooro.

Yeremiya 49:7

Nahano woꞌbushobozi bwoshi, adetaga hiꞌgulu lyaꞌBahedoomu kwokuno: «Mu kaaya keꞌTemaani, ka ndaaye mwitegeereza úli mwo? Abitegeereza baamwo, ka batakiri mu hanuulana? Koꞌbwitegeereze bwabo bukamala lwoshi-lwoshi?

Migani 17:17

Umwira woꞌkuli, ayamiri ali mu kundana ngiisi kyanya. Na mwene wabo umundu, íbitumiri ali mu butwa, gira akamútabaale ku kyanya kyaꞌmakuba.

Hayubu 6:14

«Umundu, ikyanya ashenguka, mwira wage akwiriiri amúgirire bwija. Halikago mwehe, mugweti mugandega kwo ndasimbahiri Rurema woꞌbushobozi bwoshi.

1 Bakorindo 12:26

Ikyanya ikirumbu kiguma kiri mu libuuka, neꞌbyabo byoshi biri mu libuukira kuguma. Neꞌkyanya ikirumbu kiguma kiri mu kuzibwa, neꞌbyabo byoshi binashambaalire kuguma nakyo.

Ndondeko 25:2

Ketura, anamúbutira Zimuraani, na Yokishaani, na Medaani, na Midyani, na Hishibaaki, na Shuwa.

Yohana 11:19

Abayahudi bingi banayija ha mwa Marita na Maryamu, gira babaholeeze ku kigandaaro kya mushija wabo.

Hayubu 19:21

«E biira baani, munyuvwirwe indengeerwa maashi! Munyuvwirwe indengeerwa. Si Rurema keera akandumuula uluhi.

Hayubu 16:2

«Yago magambo gaawe gooshi, keera nagayuvwa. Si ukuholeezania kwinyu kulyagagi kwa busha!

Hayubu 6:19

Yago miiji, ababalama beꞌTema bali mu galooza-looza, Ababalama beꞌSheeba balindiriiri ukugabona.

1 Kutondobola 1:32

Uyo Hiburahimu, âli gweti mukaage weꞌmbuga, ye Ketura. Uyo Ketura akamúbutira Zimuraani, na Yokishaani, na Medaani, na Midyani, na Hishibaaki, na Shuwa. Bagala Yokishaani, bâli Sheeba na Dedaani.

Ndondeko 37:35

Uyo Yakobo, bagala baage booshi, kiri na banyere baage, banakizi yiji gira mbu bamúholeeze. Haliko, analahira ukuholeera, anadeta: «Ndeki maashi! Ngagenderera ukugandaara mugala wani, halinde ku kyanya ngamúgwana i kuzimu.» Kwokwo, kwo yishe âli kizi múlirira.

Ndondeko 36:15

Abaana ba Hesahu, kiri na bijukulu baage, banayiji ba batwali beꞌmilala yage. Hâli Herifaazi, ifula ya Hesahu. Naꞌba mwiꞌkondo lyage, hali Temaani, na Homaari, na Sefo, na Kenaazi,

Ndondeko 36:11

Uyo Herifaazi, bagala baage naye, bâli Temaani, na Homaari, na Sefo, na Gatamu, na Kenaazi.

Baheburaniya 13:3

Na ábashwesirwi mu nyumba zeꞌmbohe, nabo mukizi bakengeera. Munabe nga mushwesirwi kuguma. Na ábali mu libuzibwa kwakundi, mukizi ba nga muli mu libuukira kuguma.

Hisaaya 51:19

Ubuhanya bwa kabiri-kabiri, keera bukakugwata. Ee! Ubuhanya bwa mbere, ukashereezibwa, wanaminikwa. Noꞌbwa kabiri, wanalonga ishali, niꞌzibo. Ndaanaye úkakuyuvwirwa indengeerwa, mbu ayiji kuholeeza.

Migani 27:10

Utakizi yibagira mwira wawe, kandi iri mwira wa yisho. Iri wangalonga amakayu, utayami hungira imwa beene winyu. Si umutuulani wawe úli hoofi, ye mwija, ho wangahungira imwa mwene winyu úli hala.

Migani 18:24

Muguma ali mu deta mbu ali mwira noꞌwabo, kiziga agweti agamúshereeza. Kundu kwokwo, hali umwira woꞌkuli, úli mwemeera ukuhima mwene wabo umundu.

Hayubu 42:7

Iri Nahano akayusa ukuganuuza Hayubu, anabwira Herifaazi weꞌTemaani kwokuno: «Nabona buligo bweneene hiꞌgulu lyawe, kuguma naꞌbiira baawe bombi. Mukuba, ikyanya mukadeta hiꞌgulu lyani, mukahusha ukudeta ukuli. Si umukozi wani Hayubu, yeki ye kakudeta.

Hayubu 19:19

Abiira baani ba vyuka-ngwejere, bakoli nnenuusiri. Kundu nâli bakuuziri, haliko boohe, keera bakambinduka.

Hayubu 18:1

Ha nyuma, Biridaadi weꞌShuha, anashuvya kwokuno:

Hayubu 16:20

«Abiira baani, bakoli gweti bagangayiriza naaho. Kundu kwokwo, ngweti ngahuuna Rurema, mu kati kaꞌmalira.

Hayubu 15:1

Ha nyuma, Herifaazi weꞌTemaani anashuvya kwokuno:

Hayubu 13:4

Kundu kwokwo, mugweti mugabeesha hiꞌgulu lyani. Si mweshi muli mifoolwa yaꞌbafumu.

Hayubu 8:1

Iri hakatama, Biridaadi weꞌShuha anashuvya Hayubu, ti:

1 Kutondobola 1:45

Ikyanya Yobaabu akashaaja, Hushamu, wa mu kihugo Temaani, anayima.

1 Kutondobola 7:22

Yishe anabagandaara ku siku nyingi. Na beene wabo, banakizi yiji múholeeza.

Hayubu 42:9

Kwokwo, Herifaazi weꞌTemaani, na Biridaadi weꞌShuha, na Sofaari weꞌNahama, banagira nga ngiisi kwo Rurema akababwira. Neꞌkyanya Hayubu akabahuunira imwa Rurema, anamúyuvwa.

Hobadiya 1:9

E kaaya keꞌTemaani! Indwani ziinyu zigasigali huumirwa. Abandu booshi ábatuuziri mu migazi yinyu, bagayitwa.»

Ndondeko 36:34

Yobaabu naye, iri akashaaja, Hushamu wa mu kihugo kyaꞌBatemaani, anayima ahandu haage.

Yoshwa 15:41

neꞌGederooti, neꞌBeeti-Dagooni, neꞌNahama, neꞌMakeeda. Natwo twoshi, twâli riiri ikumi na ndatu, kuguma noꞌtundi twaya tuniini.

Hayubu 4:1

Iri hakatama, Herifaazi wa mu kihugo kyeꞌTemaani anashuvya Hayubu kwokuno:

Hayubu 11:1

Haaho, Sofaari weꞌNahama anashuvya Hayubu kwokuno: