Hayubu 19:7 - Kifuliiru

⁷ «Ngweti ngayamiza, ti: “Undabaale, maashi!” Kundu kwokwo, ndaaye úgweti úganyitaba. Na kundu ngweti ngabanda akashiba, mbu ndabaalwe, si ndaaye úli mu mbeereza ukuli kwani.

Hayubu 19:7 Referans Kwoze

Kimombo 3:8

Kundu nâli kizi yamiza mu kumútabaaza, si amahuuno gaani, atakagatwaza.

Hayubu 40:8

Aahago! Ka uloziizi ukudeta kwo ndi mu twa imaaja ku njira ítali nga yo? Ka uloziizi ukubonesa kwo ndi munabuhube, gira lyo naawe uyiyerekane kwo ukwaniini?

Hayubu 34:5

«Si Hayubu akadeta mbu: “Niehe Hayubu, ndagweti buhube. Kundu kwokwo, Rurema atali mu ndwira ulubaaja mu kati koꞌkuli.

Hayubu 30:20

«E Rurema, kundu ngweti ngakutakira, si utali mu njuvya. Na kundu nyimaaziri imbere lyawe, si ugweti ugambenekera naaho.

Hayubu 21:27

«Yuvwirizi! Ngoli yiji ngiisi kwo mugweti mugayitoneesa. Nyiji kwakundi ngiisi kwo mwagira igambi libi hiꞌgulu lyani.

Yeremiya 20:8

Ngiisi kyanya ndi mu deta, na nyami yitulikania ku nduulu, mbu: «Emwe! Kiteero neꞌmishaabo!» Yizo ndumwa za Nahano, ikyanya ndi mu zimenyeesa abandu, bali mu nduka, iri banajambura.

Zaburi 22:2

E Rurema wani, e Rurema wani! Kituma kiki wanjandirira? Si wayisunga hala, utanayiji ndabaala! Kundu ngweti ngagongeera, si ukola nga útayuvwiti.

Hayubu 16:21

Bwangabiiri bwija, ndongage umundu woꞌkutuhambuula twe na Rurema. Ee! Atuhambuulage, nga kwoꞌmundu ali mu hambuula biira baage.

Hayubu 10:3

Ikyanya uli mu ndibuza, uli mu yunguka biki? Kituma kiki uli mu ndahira, na wenyene we kambumba? Si banangora-mabi boohe, ikyanya bali mu gira igambi libi, uli mu siima!

Hayubu 9:32

«Bwo Rurema atalyagagi mundu, ndahiiti ubulyo bwoꞌkumúshuvya. Tutanganabuulana twe naye imbere lyaꞌbatwi beꞌmaaja.

Hayubu 9:24

Neꞌkyanya ikihugo kiri mu biikwa mu maboko ga banangora-mabi, Rurema ali mu ziba amasu gaꞌbatwi beꞌmaaja. Aaho! Ákibe atali ye mu gira kwokwo, iri nyandagi gundi úli mu kugira?

Hayubu 30:24

Umundu, iri angaba akoli goozirwi, anatabaaze, koꞌwabo atangamútabaala?

Hayubu 30:28

Ndi mu mamaata mu kihulu, buzira kumolekerwa niꞌzuuba. Nyimaaziri mu kaguliro, ngweti ngayamiza mu kutabaaza.

Zaburi 22:3

E Rurema wani, ndi mu shiiba ngweti ngabululuka. Kiri na bushigi, ndali mu hungeera. Kundu kwokwo, utali mu njuvya.