Hayubu 18:7 - Kifuliiru

⁷ «Yabo babi, batagaki yiyeneneka. Na kundu bagweti bagaagira igambi libi, si ligabagwata boonyene.

Hayubu 18:7 Referans Kwoze

Migani 4:12

Ikyanya ugakizi genda, ndaaye úgakizi kuhangirira. Kiri neꞌkyanya ugakizi suula umulindi, utagasiitara.

Zaburi 18:36

Uyamiri uli mu njuutira neꞌsiribo zaawe, gira ungize. Ukuboko kwawe kweꞌlulyo kugweti kuganzikamya. Ee ma! Ku butabaazi bwawe, ndi mu sikama.

1 Bakorindo 3:19

Ee! Ubwenge bwa mu kihugo, imbere lya Rurema, buli buhwija nga kwo biyandisirwi kwokuno: «Abanabwenge, ali mu bagwakiza mu bulyalya bwabo.»

Hosheya 10:6

Yugwo mugisi gukola gugatwalwa mu kihugo kyeꞌHasuriya, gunahaabwe mwami mukulu weꞌyo munda, libe ituulo lyage. Yugwo mugisi, beene Hifurahimu bâli kizi gubiika kwoꞌmulangaaliro, kyo kitumiri bagateezibwa ishoni.

Zaburi 33:10

Ikyanya ibinyamahanga biri mu gira igambi, Nahano ali mu lishaabula. Ee! Ngiisi byo bagweti bagashungika, ali mu bihangirira.

Hayubu 36:16

E Hayubu, Rurema agweti agakufuusa mu nguuke, gira ulonge ukuluhuuka, buzira kukizi hahazibwa. Keera anakubaliza ibyokulya binunu ku kashasha kaawe.

Hayubu 20:22

«Kundu bangaba baki gaziri, haliko bagayami longa amakuba, banayiji kengeera balibuuka ngana.

Hayubu 15:6

Amagambo gaawe wenyene, go gali mu kutwira ulubaaja, si ndali niehe. Íbiri mu lyoka mu kanwa kaawe, byo biri mu kulega.

2 Samweri 17:14

Habusalumu, kuguma naꞌbaabo Bahisiraheeri, banadeta kwokuno: «Ihano lya Hushayi, lyo liija kwiꞌhano lya Ahitofeeri.» Yiryo ihano lya Ahitofeeri, íbikatuma Abahisiraheeri bagaligaya, bwo Nahano âli mali shungika kwo agalishobania, halinde Habusalumu ashereezibwe.

2 Samweri 15:31

Ku yikyo kyanya, Dahudi anabwirwa kwo kiri na Ahitofeeri akahuna, mu kuyibiika ku Habusalumu. Haaho, Dahudi anahuuna, ti: «E Nahano, ubwitegeereze bwa Ahitofeeri, ukizi buhindula, bube buhwija.»

2 Baami 6:11

halinde mwami weꞌHaraamu anaraakara bweneene. Iri hakatama, uyo mwami anatumira abakulu baꞌbasirikaani baage, anababuuza: «Ha kati kiinyu, nyandi úgweti úgamenyeesa mwami waꞌBahisiraheeri ngiisi byo ndi mu shungika?»

Migani 11:5

Ábakwaniini batuuziri bazira kashembo. Kwokwo, injira zaabo ziri mu ba zigolosiri. Si banangora-mabi boohe, bali mu shereezibwa hiꞌgulu lyaꞌmabi gaabo.

Migani 29:6

Nangora-mabi ali mu gwa mu mahube gaage yenyene. Si ngiisi úkwaniini yehe, ali mu yimba ku bushambaale.