Hayubu 17:11 - Kifuliiru

¹¹ Isiku zaani, zikoli maziri. Ishungi zaani, keera zahongolwa. Ngiisi byo njubi shungisiri mu mutima gwani, bikoli sherebiiri.

Hayubu 17:11 Referans Kwoze

Hayubu 7:6

Isiku zaani, ziri mu lenga duba-duba, ukuhima umulindi gwoꞌtuti twoꞌkuluka mweꞌmirondo. Ee! Isiku zaani, ziri mu mala duba. Noꞌmulangaaliro, ndaakigwo.

Hisaaya 38:10

Nâli gweti ngayibuuza: Si uburambe bwani, buki ryagagi ha kati naaho! Kundu kwokwo, ngolaga bu genda i nakwere. Aahago! Iyo myaka íkinzigiriiri, ka ngaginyagwa?

Migani 16:9

Kundu umundu ali mu shungika mu mutima gwage, haliko Nahano ye kwaniini amúyereke ngiisi kwo agaagira.

Kimombo 3:37

Ndaaye úwangadeta mbwiꞌgambo liguma likoleke, Nahano yenyene átazi kyula kwo libe ho!

Hisaaya 8:10

Kundu mugakuumana mbu mugire igambi libi, haliko shoobe! Ukuhimwa, mugaahimwa ngana-ngana! Mukuba, Rurema tutuliinwi.

Barumi 1:13

E beene witu! Ndoziizi mumenye bwija kwoꞌbugira kingi, nâli kizi shungika kwo ngayija iyo munda imwinyu. Haliko, nâli kizi hangirirwa. Kiri na buno, ngi hangiriirwi. Na íbitumiri ndoziizi ukuyija yo, gira ngalonge umwimbu mu kati kiinyu, nga kwo keera nꞌgagulonga na mu bandi ábatali Bayahudi.

Mwigiriza 9:10

Ngiisi byo ugakizi gira, ukizi bigira ku misi yawe yoshi. Si ulindiriiri ukugenda i kuzimu! Neꞌyo munda, ndaagwo mukolwa, ndaanakwo kushungika, ndaanabwo bumenyi, ndaanabwo bwitegeereze.

Migani 19:21

Kundu umundu ali mu shungika bweneene mu mutima gwage, si ngiisi byo Nahano ashungisiri naaho, byo biri mu koleka.

Hayubu 17:12

Yabo bandu, si bagweti bagaadeta mbu bushigi, gwo mulege-rege. Neꞌkyanya bukola mu yira, banadete mbu mulengeerwe gukola ho.

Hayubu 17:1

«Keera nꞌgavunika umutima. Isiku zaani, zikola bu mala. Ishinda naaho, yo ikoli ndindiiri.

Migani 16:1

Kundu umundu ali mu shungika mu mutima gwage, haliko ubuzinda, ishungi za Nahano zo ziri mu koleka.