Hayubu 16:9 - Kifuliiru

⁹ Rurema, agweti agandeera ngana, anali mu njanganula-njangaula ku buraakari. Agweti aganjigira amiino, iri anangonolera amasu.

Hayubu 16:9 Referans Kwoze

Kimombo 2:16

Nanga, maashi! Abagoma baawe booshi, bakola mu mùfuka akahoogo, banakola mu mùlakiza inguuju, iri banamùhinikira amiino ku buraakari. Banakola mu mùkanukira, ti: «Leero twamùmirangusa. Ee ma! Luno lusiku, twâli kizi lulindirira ku kyedu. Na buno, keera lwahikaga.»

Zaburi 35:16

Balya bagoma bagweti baganjekeereza, iri banandangamira, noꞌkukizi ngaajira imihondo.

Hayubu 13:24

Utakizi mba ingoto. Utanakizi ngolera nga mugoma wawe.

Mikolezi 7:54

Abakulu baꞌBayahudi, mbu bayuvwe amagambo ga Setefaano, arara-rara! Banatondeera ukushya imihondo hiꞌgulu lyage.

Hosheya 6:1

Haaho mugaadeta kwokuno: «E maashi, mugirage tugalukire Nahano! Kundu akatujanganula-janganula, haliko ye ganashubi tukiza. Na kundu akatubeza zirya nguma, haliko ye ganashubi tulunga zo.

Zaburi 37:12

Balya banangora-mabi, bali mu gira igambi libi hiꞌgulu lya ábakwaniini, iri banabakaajira imihondo.

Hayubu 19:11

Agweti agandakarira bweneene, anagweti agambona kwo ngola mugoma wage.

Hayubu 18:4

«Kundu wangayikuula invwi, keꞌkihugo kigaasigwa kimaata hiꞌgulu lyawe naaho? Kaꞌmabuye gangakoli jungubana hiꞌgulu lyawe?

Mika 7:8

E bagoma baani! Mutagaki mbonyoleza. Mukuba, kundu nangaagwa, haliko ngaki vyuka. Na kundu nangaba mbwatiiri mu kihulu, haliko Nahano agaaba akiri mulengeerwe gwani.

Hosheya 5:14

«Niehe ngateera beene Hifurahimu naꞌBayuda, nga ndare. Ngaaba nga ndare mbamu, inalyagagi ndangi. Ngabajanganula-janganula, na mbatwale ngiisi ho ndoziizi. Ndaanaye úgayiji bafuusa.»

Kimombo 3:10

Nahano âli yibishiri ha butambi lyeꞌnjira, nga dubu, kandi iri nga ndare, gira akayiji ndeera.

Zaburi 50:22

«Buno, mukoli nyibagiiri. Aahago! Yaga magambo gaani, mutee gayisaliza kwo. Buzira kwokwo, ngamùjanganula-janganula, ndaanaye úgaki mùkiza.

Hayubu 13:27

Ugweti uganjweka iminyororo ku magulu, unagweti ugaloleekeza ngiisi ho ndi mu genda, mu kubiika akalangikizo ku shando zaani.

Hayubu 30:21

Keera wanyihindulira, utanakiri mu ngejeerera. Si ugweti ugakoleesa ubushobozi bwawe, mu kukizi ndibuza!

Hayubu 33:10

Si Rurema agweti agangyokola-ngyokola, anakoli mbwini kwo ngola mugoma wage.

Hayubu 6:4

Rurema woꞌbushobozi bwoshi, imyambi yage keera yamberuuza mwo yanandula-ndula mu mutima gwani. Amakenya gaayo, keera gahika mu mutima gwani, na ngoli kangusiri.