Hayubu 16:10 - Kifuliiru

¹⁰ «Abandu bagweti baganjekeereza, iri banambonyoleza, wa honyo! Bakoli nzokaniini, iri banammota imbi mu matama.

Hayubu 16:10 Referans Kwoze

Zaburi 35:15

Haliko ikyanya nꞌgalonga amakuba, banangumanira mu kumbonyoleza, iri bananyamiriza, yuu! Ehee! Kundu ndâli bayiji, si bakayami yiji ndeera, banakizi ngamba ulundatwika.

Zaburi 22:13

Abagoma bingi bakoli nzokaniini nga shuuli. Balyagagi nga shuuli ndangi zeꞌBashaani.

Mikolezi 23:2

Umukulu waꞌbagingi Hananiya, mbu ayuvwagwe kwokwo, anabwira ábâli yimaaziri ha butambi lya Pahulu kwo bamúmotere ku kanwa.

Mika 5:1

Nahano adeta kwokuno: «E kaaya keꞌBetereheemu yeꞌHefurata! Mu bandu beꞌBuyuda, wehe, we kaaya kaniini. Kundu kwokwo, mu mwawe mwo mugalyokaga umutwali waꞌBahisiraheeri.» Invuuko yage iri ya mu bandu ba keera bweneene.

Kimombo 3:30

Ikyanya umundu agweti agamoterwa mwiꞌtama liguma, akwiriiri atege neꞌlyabo. Neꞌkyanya bali mu mútuka, akizi tuuza naaho.

Hisaaya 50:6

Ikyanya abandu bâli mu ngubula ingoni, na mbatege umugongo. Neꞌkyanya bakanguula ulwanwa, nanabatega amatama. Kiri neꞌkyanya bali mu mbonyoleza, noꞌkundwira amate, ndali mu babisha amalanga.

2 Bakorindo 11:20

Mukoli yigendiriiri kiri na ku bandu ábagweti bagamùgira baja, banali mu mùlyalyania, noꞌkumùsiviza ibindu! Banagweti bagamùbonera, iri banamùshulikira mu masu, moto!

1 Baami 22:24

Lyeryo, Zedekiya mugala Kinaana anayami yegeera Mikaaya, anamútumuula uluhi kwiꞌtama, kwa! Anamúbuuza: «Ewe! Koꞌmutima gwa Nahano gwanjaaga mwo, mbu gutondeere ukukudeta mwo?»

Mikolezi 4:27

«Binabonekeriiri kwo kiri na Heroode na Pondyo Pilaato, nabo keera bakakuumana mu kano kaaya, kuguma naꞌBahisiraheeri naꞌbapagaani, gira balahire Yesu. Anali ye mukozi wawe ye ukataluula kwo abe ye Kirisito.

Yohana 18:22

Yesu mbu adetage kwokwo, umulaazi muguma úwâli yimaaziri ha butambi lyage, anamúhatuula uluhi, twa! Anamúbuuza: «Ka kwoku kwo ukwiriiri ukushuvya umukulu waꞌbagingi?»

Mataayo 26:67

Balya bandu banatondeera ukutwira Yesu amate i malanga, banakizi mútitimba ibifune. Naꞌbandi, banakizi múhatuula imbi.

Zaburi 94:21

Bali mu yibiika kuguma, gira bahagane na ábakwaniini, banakyule kwo bagendi yitwa.

Zaburi 35:21

Bagweti bagakizi ndoleera, iri banandega kwokuno: Ehee! Yago mahube gaage, tukagayibonera twenyene.

2 Kutondobola 18:23

Lyeryo, Zedekiya mugala Kinaana anayami yegeera Mikaaya, anamútumuula uluhi kwiꞌtama, kwa! Anamúbuuza: «Ewe! Koꞌmutima gwa Nahano gwanjaaga mwo, mbu gutondeere ukukudeta mwo?»

Hayubu 16:11

Rurema keera ambiika mu maboko gaꞌbanabyaha, banali banangora-mabi.

Hayubu 30:12

«Balya banakuhambwa, bali mu yimanga, gira bandeere. Bali mu ndega imibashu, gira bangwase.

Zaburi 3:7

Kundu ngoli zungulusirwi neꞌbinoono byaꞌbagoma, ndaakyo kyoba nyuvwiti.

Kimombo 2:16

Nanga, maashi! Abagoma baawe booshi, bakola mu mùfuka akahoogo, banakola mu mùlakiza inguuju, iri banamùhinikira amiino ku buraakari. Banakola mu mùkanukira, ti: «Leero twamùmirangusa. Ee ma! Luno lusiku, twâli kizi lulindirira ku kyedu. Na buno, keera lwahikaga.»

Zaburi 22:14

Bakoli yashwiri utunwa twabo, nga ndare, banagweti bagalunduma, gira banjanganule.

Zaburi 56:6

Balya balangi, bali mu shiiba bagweti bagashobania amagambo gaani. Banali mu kizi shungika amagambi mabi hiꞌgulu lyani.