Hayubu 15:2 - Kifuliiru

² «Umwitegeereza atangaravwanga kwoku, buzira kuyisaliza. Si ugweti ugaadeta naaho amagambo goꞌbusha-busha!

Hayubu 15:2 Referans Kwoze

Hayubu 6:26

Amagambo gaani, si mugweti mugagabona nga mbuusi naaho! Aahago! Ka munaloziizi ukugagolola?

Hosheya 12:1

Beene Hifurahimu keera bambetuza ikinyoma. Abahisiraheeri, si bagweti bagandyalyania. Abayuda nabo, batatwaziizi Rurema, kundu alyagagi Mutaluule, anali mwemeera.

Hayubu 8:2

«Yaga amagambo, ugakizi gadeta-deta halinde mangoki? Si galyagagi nga mbuusi naaho!

Yakobo 3:13

Mu kati kiinyu, ka muli umwitegeereza, anali mu sobanukirwa? Aaho! Akizi yerekana ubwitegeereze bwage, mu kukola mu kati koꞌbutuudu. Ee! Ubutuudu, bube bwo bugayerekana ubwitegeereze bwage!

Hayubu 13:2

Ngiisi byo muyiji, naani mbiyiji ma! Mutanzumbiri kiri neꞌhiniini.

Hayubu 15:1

Ha nyuma, Herifaazi weꞌTemaani anashuvya kwokuno:

Hayubu 15:3

Umwitegeereza yehe, atali mu deta-deta amagambo mwene yago. Aahago! Yago magambo gali naꞌkamaro kaki?

Migani 16:23

Imitono yoꞌmwitegeereza iri mu mútabaala ukudeta bwija, halinde analonge ukukizi yigiriza bwija.

Mwigiriza 5:15

Yibi nabyo, biri mu tuvuniisa umutima. Ngiisi kwaꞌbandu bakayija, kwo na kwokwo bali mu galuka. Aaho! Bali mu ba balongaga bunguke buki? Bagweti bagakizi shaha ikyuya naaho, nga mundu woꞌkulooza ukugwata imbuusi.

Hosheya 12:2

Emwe! Yabo beene Hifurahimu, bali mu shiiba bagweti bagalandiriza imbuusi ukulyoka isheere. Bagweti bagakizi deteereza ibinyoma, iri banayitana. Banagweti baganywana ikihango naꞌBahasuriya. Banagweti bagalungika amavuta geꞌmizehituuni i Miisiri, lyo balonga yoꞌbutabaazi.