Hayubu 14:2 - Kifuliiru

² Ali mu yasa bwija nga kaaso, haliko haaho, anashubi bogama. Ali mu lenga nga kimbehwa, anayami nyerera.

Hayubu 14:2 Referans Kwoze

1 Peturu 1:24

Mukuba biyandisirwi kwokuno: «Abandu booshi, bali nga byasi. Noꞌbulangashane bwabo, buli nga bwaꞌkaaso naaho. Ibyasi biri mu bogama, naꞌkaaso kanabugumuke.

Hayubu 8:9

Twehe, twabutwa bigingo naaho, ndaanabyo tuyiji. Isiku ziitu mu kihugo, ziri mu lenga nga kimbehwa.

Yakobo 4:14

Si mutayiji íbigamùkoleka kwo, kiri na kusheezi! Uburambe bwinyu, bulyagagi buki? Si buli nga luuta! Luli mu boneka ku hyanya hiniini, lunayami nyerera!

1 Kutondobola 29:15

Si imbere lyawe, tuli nga binyamahanga. Tunali bageezi, nga kwo bashokuluza biitu booshi bâli riiri. Isiku ziitu mu kihugo, ziri nga kimbehwa íkiri mu hinjuka. Ndaanagwo mulangaaliro, kwo tugatuula ho.

Zaburi 144:4

Si abandu balyagagi nga muuka naaho! Isiku zaabo ziri mu lenga duba, nga kimbehwa.

Zaburi 102:11

E Rurema, maashi! Nabonaga kwo ukoli rakiiri bweneene. Keera ukandengeza, wananvugumula hala.

Mwigiriza 8:13

Yabo banabyaha, bwo batasimbahiri Rurema, nyiji kwo bagayiji goorwa. Isiku zaabo, zitanabe nyingi.

Zaburi 92:12

Nꞌgayibonera nienyene ngiisi kwaꞌbagoma baani bakahimwa. Ikyanya bakaliruuka, nanayiyuvwirwa.

Zaburi 92:7

Banangora-mabi, kundu bangadeha nga kishuka, banakizi genduukirwa, haliko ubuzinda, bagashereera imyaka neꞌmyakuula. Yibyo byoshi, ibizeeze bitangabimenya. Abahwija batangabisobanukirwa.

Hayubu 4:20

Shesheezi, abandu bali mu ba bakiri bagumaana. Haliko kabigingwe, banabe keera bafwa. Yabo bandu, bali mu ba bazimiiri lwoshi-lwoshi.

Hayubu 15:33

Bagahomba ngoꞌmuzabibu úgugweti gugaholola imizabibu mibishi, banabe nga muzehituuni úguli mu bula ibitumbwe, gunali mu tibula akaaso kaagwo.

Zaburi 37:2

Si bagakuluuduka nga kishuka, banahangalale nga byasi.

Zaburi 39:5

«E Nahano, ummenyeese ngiisi kwoꞌburambe bwani buli mu suula umulindi. Unanyereke ngiisi kwo bugaahera. Umbwire ulusiku lwo ngaafwa kwo.

Zaburi 39:7

Ngiisi mundu agweti agalenga naaho, nga kimbehwa. Kundu ali mu yihunguula-hunguula mu kukizi hahalira amagoorwa gaage, haliko byoshi biri mu ba bya busha naaho. Kundu angaba ali mu yilundira akanyamwala keꞌbindu, si yibyo byoshi, atazi menya bigayiji ba byeꞌmwa nyandi.

Zaburi 102:5

Umutima gwani, gukoli lwaziri, nga mbuto íziyumiri. Kiri neꞌbyokulya, ngola mu biyibagira.

Zaburi 102:12

Isiku zaani, zikola mu lengaga duba nga kimbehwa, na ngoli yumagusiri nga kishuka.