Hayubu 13:14 - Kifuliiru

¹⁴ Ngiisi kwo ndoniri, kwo nganadeta, kundu kwangaba kuhebuura uburambe bwani.

Hayubu 13:14 Referans Kwoze

Batwi beꞌmaaja 12:3

Ikyanya nꞌgabona kwo mutayiji ndabaala, nanayitanga, gira ngendi balwisa. Nahano yenyene, anababiika mu maboko gaani. Aahago! Kituma kiki mwayiji ndwisa?»

Zaburi 119:109

Kundu nyamiri ho nangasiga itwe lyani, haliko, ndâye yibagire imaaja zaawe.

Mwigiriza 4:5

Bagweti bagakizi deta: «Umuhwija ali mu yishumata, halinde ishali linahambiri múyita.»

Hayubu 18:4

«Kundu wangayikuula invwi, keꞌkihugo kigaasigwa kimaata hiꞌgulu lyawe naaho? Kaꞌmabuye gangakoli jungubana hiꞌgulu lyawe?

1 Samweri 28:21

Uyo mukazi, iri akayegeera Sahuli, anabona ngiisi kwo akola mu lenga mwoꞌmusisi, anamúbwira kwokuno: «Lola! Ndi mukozi wawe. Leero nayibiika ho nangasiga itwe lyani, mu kugira ngiisi byo wambwira.

1 Samweri 19:5

Kiri neꞌkyanya akayita ulya Mufirisiti Golyati, si akayitanga ho angasiga itwe lyage, halinde Nahano anahimira Abahisiraheeri bweneene. Neꞌkyanya ukabona kwokwo, wenyene wanashambaala. Aaho! Kituma kikagi ugweti ugalooza ukuyona umuko gwoꞌmundu muzira buhube? Ka ugamúyitira ikimaama?»

Hisaaya 49:26

Ngiisi ábali mu mùlibuza, ngakyula kwo balyagage iminyofu yabo boonyene. Na mbanywese noꞌmuko gwabo, halinde gunabalaluse, nga banywa idivaayi yeꞌkishogwe. Niehe, nie Nahano! Kwokwo abandu booshi bagaamenya kwo nie wamùkiza, nanamùguluula. Nie Rurema wa Yakobo, Rurema woꞌbushobozi bwoshi!»

Hisaaya 9:20

Manaasi agweti agateera Hifurahimu. Hifurahimu naye, ali mu teera Manaasi. Yabo bombi, banabuli teera Abayuda. Kundu kwokwo, ubute bwa Nahano butazi hooha. Aki bangwiri ukuboko kwage, mu kulooza ukuhana abandu baage.