Hayubu 12:7 - Kifuliiru

⁷ «Abandu, bagweti bagaadeta kwokuno: “Ubuuzagye inyamiishwa, gira zikuyigirize. Ubuuze noꞌtunyuni, tukuganuulire.”

Hayubu 12:7 Referans Kwoze

Hisaaya 1:3

Emwe! Ingaavu ziyiji sheebuja. Kiri na bapunda bayiji ho bali mu liira. Si Abahisiraheeri boohe kundu balyagagi bandu baani, haliko batanyiji, batanasobanukiirwi.»

Migani 6:6

E mwolo, ulolere umugani ku kashwa. Unakizi yisaliza hiꞌgulu lyeꞌmikolwa yako, gira lyo ulonga ubwitegeereze.

Yeremiya 8:7

Akabangarara kayiji-yiji ikyanya kyoꞌkubunga. Kiri niꞌhumba, naꞌkalembe-rembe, noꞌtushuta, nabyo biyiji ikyanya kyo biri mu bunga kwo. Halikago, yabo bandu baani boohe, batayiji byo Nahamwabo aloziizi.

Barumi 1:20

Ukulyokera ho Rurema akabumbira ikihugo, abandu bashobwiri ukumenya bwija hiꞌgulu lyoꞌbushobozi bwage bweꞌmyakuula. Bashobwiri ukumenya na ngiisi kwo ali. Kundu ubushobozi bwage, noꞌkundu kwage, bitali mu boneka, haliko abandu bangabimenyera bwija ku njira yoꞌkuyitegeereza ku byo akabumba. Ku yukwo, batahiiti igambo lyo bangayifwongooza mwo.

Hayubu 12:6

Kiri naꞌbanyazi, batuuziri mu mutuula. Kundu bali mu shomboroza Rurema, si bakiri noꞌbutoge. Batoniri kwo Rurema ali mukozi wabo naaho.

Hayubu 12:8

Udese neꞌfwi mu nyaaja, zinakumenyeese. Kandi iri, ubuuze ikihugo, kinakuyerekeze.

Ndondeko 1:21

Kwokwo, mu nyaaja, Rurema analema mwo babitaatalwe beꞌfwi. Analema na ngiisi bindi biremwa byoshi, byanakizi yoleka-yoleka mwo. Yibyo biremwa biri mu kizi vubuka mwo, ukukulikirana neꞌmilala yabyo. Analema neꞌmilala yoshi yoꞌtunyuni. Yibyo byoshi, ikyanya Rurema akayusa ukubibumba, anabona kwo biri biija.

Ndondeko 1:25

Iyo milala yoshi yeꞌnyamiishwa, na yeꞌbitugwa, na yeꞌbizimu, na ya íbiri mu yibulula, Rurema ye kabibumba. Neꞌri akayusa ukubibumba, anabona kwo biri biija.

Hayubu 8:10

Si boohe, bo bali noꞌbulyo bwoꞌkukuyigiriza, halinde lyo usobanukirwa noꞌbwitegeereze bwa keera.

Migani 30:24

Mu kihugo muli ibiremwa bina íbitoohiri. Kundu kwokwo, biri byenge bweneene: