Hayubu 12:4 - Kifuliiru

⁴ «Kundu kwokwo, abiira baani bagweti baganjekeereza. Mukuba, ikyanya ndi mu huuna Rurema, ndi noꞌmulangaaliro kwo ngalonga ishuvyo. Ndi mundu woꞌkuli. Ndaanabyo byaꞌbandu bangandega kwo. Kundu kwokwo, bagweti baganjekeereza naaho.

Hayubu 12:4 Referans Kwoze

Zaburi 91:15

Ikyanya agandabaaza, ngamúyitaba. Neꞌkyanya kyaꞌmakuba, tugayamanwa. Ngamúguluula, ninamúgingike.

Hayubu 30:1

«Halikago buno, imisore ikoli gweti igakizi njekeereza. Iyo misore, ndâli hangwiri bayishe, kwo bangabwatala kiri ha butambi lyoꞌtubwa twani twoꞌkurongoora ibibuzi.

Hayubu 21:3

Munyigenderere, gira nimùganuuze. Na mango nayusa ukudeta, mukabuli genderera noꞌkunjekeereza.

Hayubu 17:6

«E Rurema, keera waleka abandu bakizi mbonyoleza. Bagweti bagandwira amate.

Hayubu 17:2

Ngoli zungulusirwi na ábali mu njekeereza. Nabona ngiisi kwo bagweti bagambonyoleza, noꞌkutandooza iro.

Hayubu 16:10

«Abandu bagweti baganjekeereza, iri banambonyoleza, wa honyo! Bakoli nzokaniini, iri banammota imbi mu matama.

Baheburaniya 11:36

Abandi baabo, banakubulwa ingoni iri banafukwa akahoogo. Abandi, banashwekwa neꞌminyororo, banalashwa mu nyumba zeꞌmbohe.

Mikolezi 17:32

Yabo bakulu, mbu bayuvwe kwo Pahulu akola mu deta hiꞌgulu lyoꞌkuzuuka kwa abafwiri, baguma baabo banatondeera ukumúhonyoleza, ti yuuhu! Haliko, abandi banamúbwira: «Yiri igambo, tugaki shubi kuyuvwiriza hiꞌgulu lyalyo.»

Luka 16:14

Abafarisaayo, mbu bayuvwagwe byoshi byo Yesu akadeta, banatondeera ukumúshekeereza, wa yuuhu! Mukuba, boohe, bâli kuuziri ifwaranga bweneene.

Mariko 5:40

Yabo bandu, banamúshekeereza, ti shoshoo! Yabo booshi, Yesu anabahulukiza imbuga, anasigala na yishe woꞌyo munyere, na nyina, kuguma naꞌbigirizibwa baage bo bâli ririinwi. Neꞌri akayingira mu kisiika kyoꞌlya mwana âli riiri mwo,

Mataayo 27:29

Banagonya-gonya neꞌmishuugi, lube lushembe, banamúyambika yo kwiꞌtwe, banamúfumbasa noꞌmulonge mu kuboko kweꞌlulyo. Banakizi fukama imbere lyage, iri banamúshekeereza, ti: «E mwami waꞌBayahudi, twakulamusa!»

Mika 7:7

Si Abahisiraheeri boohe, bagweti bagaadeta kwokuno: Niehe, ngaloogeza ubutabaazi imwa Nahano. Ngalindirira Rurema, bwo ye gangiza. Ee! Rurema wani aganyuvwa!

Yeremiya 33:3

“Mukizi ndabaaza! Naani, ngakizi mùyitaba. Na ngizi mùbwira amagambo gaꞌkahebuuza, kundu gashuba mabishe.”

Migani 14:2

Ngiisi ábali neꞌmikolezi miija, bali mu simbaha Nahano. Si banangora-mabi boohe, bali mu múgayiriza.

Zaburi 35:16

Balya bagoma bagweti baganjekeereza, iri banandangamira, noꞌkukizi ngaajira imihondo.

Hayubu 16:20

«Abiira baani, bakoli gweti bagangayiriza naaho. Kundu kwokwo, ngweti ngahuuna Rurema, mu kati kaꞌmalira.

Hayubu 11:3

Bwo ugweti ugalomboojera, ka kyo kitumiri ngahulika? Ikyanya ugweti ugashekeereza Rurema, abandu bakwiriiri bakubonie ishoni.

Hayubu 6:29

E maashi! Mulekage ukutona kwo nagira ubuligo. Si ndaabwo nagira.

Mataayo 9:24

Yesu anababwira: «Shaagi! Uyu munyere atafwiri. Si ahuniiri naaho!» Yabo bandu, mbu bayuvwe kwokwo, banamúshekeereza, ti shoshoo!

Hayubu 9:21

Niehe, ndaabyo bangandega kwo. Kundu kwokwo, ndakiri mu yitwaza. Si uburambe bwani, ngoli gweti ngabugayiriza.

Hayubu 12:5

Abandu ábakoli jeberiiri, bali mu gayiriza abanamakuba. Ikyanya abaabo bali mu tyerera, bali mu basindikira, mbu bagwe haashi.

Hayubu 13:18

Keera nalingaania amagambo gaani, nga kwo bikwiriiri. Nyiji kwo bagaatwa ulubaaja kwo ndaabyo byaha nagira.

Hayubu 30:9

«Buno, iyo misore igweti iganjekeereza mu nyimbo za kwingi-kwingi, iri inambonyoleza ngana-ngana.

Hayubu 34:7

«Yoho wee! Si uyo Hayubu aloziizi bweneene ukutukana! Aahago! Ka hali ugundi mubi úli nga ye?

Yeremiya 20:7

E Nahano! Si ukandeba, nanayemeera kwo bibe kwokwo. Bwo we mbimiri imisi, ndaakwo kundi. Kwokwo, abandu bakola mu mbonyoleza ubwakya-ubwayira, iri bananjekeereza.