Hayubu 12:23 - Kifuliiru

²³ Ali mu tee yubaka ibihugo, anashubi bishereeza. Ali mu tee bihamya, anashubi bishaabula.

Hayubu 12:23 Referans Kwoze

Hisaaya 26:15

E Nahano, keera ukayushuula umulala gwitu, wanayushuula kiri neꞌmbibi zeꞌkihugo kiitu. Ku yukwo, tugweti tugakuhuuza.

Hisaaya 9:3

Kundu bâli kizi bakoomeka ubuhiri mu mugongo, haliko keera ukabuvuna-vuna. Ukavuna kiri neꞌngoni zaꞌbandu baawe bâli kizi himbulwa mwo. Keera ukashubi bakiza, nga kwo ukatee bakiza mu maboko gaꞌBamidyani.

Hisaaya 60:22

Mu kati kiinyu, umundu weꞌmbaga niini agakizi buta abaana kihumbi. Na kundu muki kehiirwi, haliko mugayiji hinduka mulala úguhimbiri. Yibyo byoshi, ngabigira ku kyanya kyabyo, buzira kutindirira. Niehe nie Nahano.»

Zaburi 107:38

Yabo bandu, Nahano anakizi bagashaanira ngana, halinde banaluguuka. Kiri neꞌbitugwa byabo, byanayolola.

Zakariya 10:8

Yabo bandu baani, ikyanya ngabahamagala, bagayija bandibitiiri, bwo keera nꞌgabaguluula. Kundu bakiri bagerwa naaho, si bagashubi luguuka, nga kwo bâli luguusiri kare.

Yeremiya 33:22

Yabo bandu ba mu kibusi kyoꞌmukozi wani Dahudi, na yabo beene Laawi, ngabaluza nga ndonde kwiꞌgulu, na ngoꞌmushenyu kwiꞌbuga, halinde banabe kandaharuurwa.»

Yeremiya 30:19

Ngiisi ábagatuula mwo, bagashubi yimba inyimbo zoꞌbwivuge, iri banabanda akabuuli. Ngaaluza abaana baabo, halinde banaluguuke ngana-ngana! Ngabagingika bweneene, ndaanaye úgashubi banegura.

Hisaaya 27:6

Mu siku ízigayija, abandu baani bagaaba nga bameziri imizi. Ee! Abahisiraheeri bagaashoga, banayase kwaꞌkaaso. Neꞌkyanya bagayera, ibitumbwe byabo bigakwira mu kihugo kyoshi.

Kulyoka 1:20

Yabo bahumbwa, Rurema anakizi bagashaanira. NaꞌBahisiraheeri banakaviiriza ukuyushuuka, halinde banaba neꞌmisi bweneene.

Kulyoka 1:7

Kundu kwokwo, Abahisiraheeri banagenderera ukukizi buta, banaluguuka bweneene, halinde banakwira hooshi mu kihugo kyeꞌMiisiri.

Mikolezi 17:26

«Mu mundu muguma, mwo Rurema akalyosa imilala yoshi yaꞌbandu, gira bakwire mu mahanga gooshi. Anababiikira neꞌbyanya byo âli mali gwanwa abatengekera. Anababiikira neꞌmbibi zaꞌho bagakizi tuula.

Zaburi 107:39

Ha nyuma, ikyanya bakalongaga amakuba, banaba bakola bakeni, umuharuuro gwabo gwanayondobera.