Hayubu 12:18 - Kifuliiru

¹⁸ Ali mu hogola abaami amakanju gaabo malimbiise, akabuli bashweka imigozi mu bibuno, noꞌkubatwala mu buja.

Hayubu 12:18 Referans Kwoze

Danyeri 2:21

Ye mu handulaga ikikamo neꞌmbondo. Ye mu lyosa abaami baguma, anashubi yimika abandi. Ngiisi ábahiiti ubwitegeereze, ali mu bayushuulira ubundi. Na ábasobanukiirwi, ali mu bayushuulira ubulenga.

Zaburi 116:16

E Nahano, ku kasiisa, ndi mukozi wawe. Ee! Nie mukozi wawe, mugala woꞌmuja-kazi wawe. Keera ukanjwekuula utubangira.

Bwigule 19:16

Na ku yiryo ikanju lyage, na ku kibero kyage, kwâli kuyandike iziina íridesiri kwokuno: «Mwami wa baami, na Nahano wa banahano».

Mataayo 3:4

Uyo Yohana, ibyambalwa byage bikalukwa mu bwoya bweꞌngamiya. Anâli kizi yishweka umukaba mu kibuno. Neꞌbyokulya byage, âli kizi lya inzige noꞌbuuki.

Hayubu 3:14

Nangabiiri nduhuusiri kuguma naꞌbaami, bo naꞌbagingi ba mu kihugo. Kundu bâli yubasiri inyumba mbamu, haliko buno bikolaga biguuka.

Hayubu 12:21

Kundu umundu angaba ali mukulu, ali mu mútetereza. Kiri naꞌbanamisi, ali mu banyaga isiribo zaabo.

Hisaaya 5:27

Mu kati kaabo, ndaaye úluhiri, ndaanaye úgweti úgasiitara. Ndaanaye úli mu tendera, kandi iri ukuhunira. Imikaba yabo, ibagwasiri bwija. Neꞌmigozi yeꞌbiraato, itatwisiri.

Hayubu 30:11

Rurema keera anjaagiza imisi, anakola mu nyogogoza. Kyo kitumiri iyo misore igweti igandeera buzira kuyihangirira.