Hayubu 11:7 - Kifuliiru

⁷ «Ngiisi byo Rurema abishiri, ka wangabibishuula? Ka wangasobanukirwa hiꞌgulu lya Rurema woꞌbushobozi bwoshi?

Hayubu 11:7 Referans Kwoze

Barumi 11:33

Ubugale bwa Rurema, noꞌbwitegeereze bwage, noꞌbumenyi bwage, biryagagi bya kahebuuza! Ikyanya ali mu twa imaaja, ndaaye úwangasobanukirwa na ngiisi kwo agweti agaazitwa. Neꞌnjira zo ali mu lenga mwo, ndaaye úwangazimenya!

Mwigiriza 3:11

Nanashubi bonaga kwo Rurema abiisiri amagambo geꞌmyakuula mu mitima yitu. Kundu kwokwo, mu byoshi byo tugweti tugaagira, ndaaye úli mu sobanukirwa ngiisi kwo akabitondeera, na ngiisi kwo akabiyusa.

Zaburi 145:3

Nahano ye sumbiragi booshi, ye na kwaniini ukukizi yivugwa bweneene. Ndaaye úwangasobanukirwa noꞌbukulu bwage.

Bahefeso 3:8

Kundu nie toohiri mu bandu baage booshi, haliko ku lukogo lwage anambiika kwo ngizi menyeesa ábatali Bayahudi Imyazi Miija hiꞌgulu lya Kirisito, inali mwoꞌbugale bwaꞌkahebuuza!

Hisaaya 40:28

Ka mutazi yuvwa? Ka mutazi sobanukirwa? Nahano, ye Rurema weꞌmyaka neꞌmyakuula! Ye kabumba byoshi íbiri mu mahanga gooshi. Atâye luhe, atanâye yolohe. Ndaanaye úwangasobanukirwa noꞌbwenge bwage.

Zaburi 77:19

Inguba zanakizi lavya mu kihuhuuta. Kiri neꞌbiryamu byanakizi lyamuza mu kihugo. Ikihugo kyanashagana, kyanajugumbana.

Hayubu 37:23

Rurema woꞌbushobozi bwoshi, tutangamenya ngiisi kwo ali. Ali kikalage bweneene, anali woꞌkuli. Atanali mu shobania imaaja, mu kutuhana ku njira ítali nga yo.

Hayubu 5:9

Ye mu kola ibya kahebuuza, binali kandaharuurwa.

1 Bakorindo 2:16

«Nyandi keera úkamenya inzaliro za Nahano? Kandi iri, nyandi keera úkamúhanuula?» Halikago twehe, tukoli ba mweꞌnzaliro za Kirisito.

1 Bakorindo 2:10

Byo na byebyo, byo Rurema keera akatubishuulira, ku njira yoꞌMutima Mweru. Mukuba, Umutima Mweru guli mu gahiriza byoshi, kiri na íbiyifundereziizi mu kati ka Rurema.

Mataayo 11:27

«Daata, keera akanzikiiriza byoshi. Ndaaye úyiji Umwana, átali Daata yenyene. Ndaanaye úyiji Daata, átali Umwana, na ngiisi yoꞌlya Mwana aloziizi ukumúyereka.

Hayubu 26:14

Mu mikolezi yage, iyo iri miniini naaho. Iri mu hwehwetezania naaho. Si ubushobozi bwage bwonyene, buli buhamu bweneene. Aaho! Nyandi úwangamenya ngiisi kwoꞌbushobozi bwage buli mu kungula?»

Hayubu 22:12

«Rurema atuuziri iyo munda mwiꞌgulu. Na kundu indonde ziri hala, haliko atuuziri hiꞌgulu lyazo.

Hayubu 33:12

«E Hayubu, nanga maashi! Ikyanya wadeta kwokwo, lyo wahuba ngana-ngana. Si Rurema ye mukulu bweneene ukuhima abandu booshi.

Hayubu 33:13

Aahago! Kituma kiki muki gweti mugahagana mwe naye? Si uli mu yidodomba mbu atali mu shuvya ibibuuzo biitu!

Hayubu 36:26

«Ee ma! Rurema ali mukulu bweneene. Yubwo bukulu bwage, tutangabusobanukirwa. Ndaaye úwangamenya imyaka yage yoꞌkuba ho.

Hayubu 37:5

Ikyanya Rurema ali mu deta, ali mu tulagiza inguba bweneene. Ubukulu bwage, tutangahasha ukubusobanukirwa.

Mwigiriza 7:24

Aaho! Nyandagi úwangasobanukirwa lwoshi? Si ubwitegeereze, buli mu tubeera hala ngana!

Hayubu 27:11

«Ngakuyereka ngiisi kwoꞌbushobozi bwa Rurema buli mu ba. Ndaabyo ngaabisha hiꞌgulu lyage.

Hayubu 35:5

«Aaho! Ulolage mu kyanyaanya. Langiizagya ibibungu íbiri hiꞌgulu lyawe bweneene.

Hayubu 42:3

Ukabuuza, ti: “Nyandi uno úgweti úgaadeta íbitali nga byo, mu kushobania ishungi zaani bwalaafwe.” Ala nie! Yago magambo go nadeta, si ndashubi gayiji. Gâli kizi ndenga ulugero bweneene.

Zaburi 139:6

Yibyo byoshi, biri bya kahebuuza. Ndanganabisobanukirwa.

Migani 30:4

Aaho! Nyandi úkazamuukira mwiꞌgulu anashubi yija hano mu kihugo? Nyandi úkafumbata imbuusi? Nyandi úkaboha amiiji mu mulondo? Nyandi úkabiika imbibi zeꞌkihugo? Uyo, iziina lyage ali nyandi? Na mugala wage, iziina lyage ye nyandi? Iri wangaba umúyiji, umúmbwire.