Hayubu 11:3 - Kifuliiru

³ Bwo ugweti ugalomboojera, ka kyo kitumiri ngahulika? Ikyanya ugweti ugashekeereza Rurema, abandu bakwiriiri bakubonie ishoni.

Hayubu 11:3 Referans Kwoze

Hayubu 17:2

Ngoli zungulusirwi na ábali mu njekeereza. Nabona ngiisi kwo bagweti bagambonyoleza, noꞌkutandooza iro.

Yuda 1:18

«Mu siku zeꞌmberuuka, hagahulukiraga abandu boꞌkushekerezania, mbu yuuhu! Bagakizi yifunda mu mifwije gaabo geꞌkipagaani.»

Tiito 2:8

Amagambo gaawe, gakizi yama gakaniri. Kwokwo, ikyanya abandu bagaagira mbu bakuhangirire, lyo bagwatwa neꞌshoni, banabule igambo lyo bangatushemba kwo.

2 Batesaloniki 3:14

Ngiisi byo twamùyandikira mu yaga maruba, iri umundu atangabitwaza, munamúyiyeke. Mutanakizi ki komeerana mwe naye, gira agwatwe neꞌshoni.

Yeremiya 15:17

Ikyanya abandu bâli kizi yifunda mu bitalaalwe, ndâli kizi bayibiika kwo. Si nâli kizi bwatala nienyene, iri na mbona buligo hiꞌgulu lyeꞌbyaha byabo.

Zaburi 83:16

Ukizi basingoola, nga kwoꞌmuliro guli mu singoola ulubako, na nga kweꞌmbigi zaagwo ziri mu boyola imigazi.

Zaburi 35:16

Balya bagoma bagweti baganjekeereza, iri banandangamira, noꞌkukizi ngaajira imihondo.

Hayubu 34:7

«Yoho wee! Si uyo Hayubu aloziizi bweneene ukutukana! Aahago! Ka hali ugundi mubi úli nga ye?

Hayubu 24:25

Aahago! Ka hali umundu úwangadeta kwo bitali kwokwo? Nyandagi úganyereka kwaꞌmagambo gaani gatali goꞌkuli?»

Hayubu 21:3

Munyigenderere, gira nimùganuuze. Na mango nayusa ukudeta, mukabuli genderera noꞌkunjekeereza.

Hayubu 13:9

Iri angayiji mùloleekeza, hali ikyanya mutangaki gashaanirwa. Mutangahenda Rurema, nga kwo muli mu henda abandu.

Hayubu 13:4

Kundu kwokwo, mugweti mugabeesha hiꞌgulu lyani. Si mweshi muli mifoolwa yaꞌbafumu.

Hayubu 12:4

«Kundu kwokwo, abiira baani bagweti baganjekeereza. Mukuba, ikyanya ndi mu huuna Rurema, ndi noꞌmulangaaliro kwo ngalonga ishuvyo. Ndi mundu woꞌkuli. Ndaanabyo byaꞌbandu bangandega kwo. Kundu kwokwo, bagweti baganjekeereza naaho.