Hayubu 10:4 - Kifuliiru

⁴ Amasu gaawe, ka gali mu ba ngaꞌmasu goꞌmundu? Ka uli mu bona naaho, nga kwoꞌmundu ali mu bona?

Hayubu 10:4 Referans Kwoze

1 Samweri 16:7

Nahano anamúbwira kwokuno: «E Samweri, uyu, keera namúlahira. Utakizi lolera umundu ku njusho yage, kandi iri ku mutumba gwage. Yibyo byaꞌmagala, si byaꞌbandu nabo bali mu lola kwo. Haliko niehe, ndi mu loleekeza naaho ku biri mu mutima.»

Luka 16:15

Yesu anababwira: «Mwehe, mugweti mugayigira imbere lyaꞌbandu nga mwe mukwaniini. Kundu kwokwo, Rurema ayiji-yiji íbiri mu mitima yinyu. Ee! Ngiisi byaꞌbandu bali mu huuza, byebyo byo Rurema ali mu negura!»

Bwigule 1:14

Itwe lyage noꞌmushaku gwage, byâli riiri byeru kahengura ngiꞌpamba, kandi iri nga lugungu. Naꞌmasu gaage, gâli kizi kyemula, nga ngulumira yoꞌmuliro.

Hayubu 9:32

«Bwo Rurema atalyagagi mundu, ndahiiti ubulyo bwoꞌkumúshuvya. Tutanganabuulana twe naye imbere lyaꞌbatwi beꞌmaaja.

Hayubu 24:23

Kundu Rurema angabaleka bakizi tuula mu mutuula, haliko amasu gaage gayamiri gali mu baloleekeza.

Hayubu 28:24

Mukuba, ali mu langiiza hooshi mu kihugo, anabwini byoshi íbiri mwiꞌdako lyeꞌkyanyaanya.

Hayubu 34:21

Amasu ga Rurema, gayamiri gali mu loleekeza abandu. Ngiisi byo bali mu gira, abibwini-bwini byoshi.