Hayubu 10:21 - Kifuliiru

²¹ Ngola ngalyoka, ngende mu kihugo kyeꞌkihulu kya namudidi. Ndanâye ki shubi galuka.

Hayubu 10:21 Referans Kwoze

Hayubu 3:5

Yulwo lusiku, luyizingage mweꞌkihulu kya namudidi. Ikibungu kiiru kilubishe, halinde ikihulu kilubwikire.

2 Samweri 12:23

Haliko buno, keera afwa. Aaho! Bikagi íbyangatuma ngaki yishalisa? Yukwo kuyishalisa, ka kwangaki múgalula hano mu kihugo? Lusiku luguma, ngamúgwana. Si yehe, atangaki ngalukira.»

Zaburi 23:4

Na kundu nangalenga mu kabanda ákayidisiri mweꞌkimbehwa kyoꞌlufu, ndagayoboha. E nahamwitu, tuyamiinwi! Ubuhiri bwawe, neꞌngoni yawe, bigweti bigakizi ndanga, halinde na mboleere.

Hayubu 16:22

Mukuba, ha nyuma hiniini, ngaaba keera nafwa, ndanâye shubi galukira mu kihugo.»

2 Samweri 14:14

Íbiri ukuli, ukufwa, tweshi tugaafwa. Mukuba, tuli nga miiji ágayonekera kwiꞌdaho, gatanâye ki shamatwe. Neꞌri umundu angaba keera afwa, kiri na Rurema atangaki múgalula. Haliko mugala wawe úkapuumuka, wehe mwami, uki gweti ubushobozi bwoꞌkumúgalula.

Yeremiya 2:6

Bakaleka ukutee yisaliza, ti: “E balya! Kituma kiki tutakiri mu kulikira Nahano? Si ye katulyosa mu kihugo kyeꞌMiisiri, anaturongoora mwiꞌshamba, áhâli yumagusiri, hanâli yijwiri ibihomogolo! Iyo munda mwiꞌshamba, yâli yidisiri ikihulu, ndaanaye úwâli kizi gilenga, kandi iri agituula.”

Hisaaya 38:11

Nanashubi deta: Ala nie! Ndâye ki bone Nahano mu bagumaana. Mu batuuziri mu kihugo, ndâye ki bone umundu yeshi-yeshi.

Zaburi 88:6

Bakola mu mbaruulira mu bafwiri, nga mundu keera úkayitwa, anakoli lambamiri mu shinda. Yabo abafwiri, kiri na naawe, utakiri mu bakengeera, utanakiri mu bahahala.

Hayubu 3:13

Íngifwe mu kubutwa, nangayigwejeriiri i kuzimu ku mutuula. Nangabiiri ngwejeriiragi bwija, na nduhuuke.

Hayubu 10:22

Yikyo kihugo, kiyidisiri mweꞌkihulu ngana-ngana. Kiri mwoꞌmwizingeerwe naꞌkalugi. Iyo munda, kiri ulukeera lwayo luli kihulu namudidi.”»

Hayubu 34:22

Kiri neꞌkihulu, kundu kyangabiiri kya namudidi, kitangabisha banangora-mabi mu masu gaage.

Hayubu 38:17

Ka keera ukayerekwa imiryango ya Narufu, ngiisi áhali ikihulu kya namudidi?

Zaburi 39:13

E Nahano, uyuvwagwe ngiisi kwo ngweti ngakuhuuna. Ee! Uyuvwirize ngiisi kwo ndi mu kulirira. Ikyanya wayuvwa amalira gaani, utayigire nga bitwitwi. Si ngoli tuuziri nga muhinjuka. Nduuziri nga kinyamahanga, nga kwo bashokuluza biitu nabo bâli tuuziri.

Hayubu 17:13

«I kuzimu, iri yangabiiri yo ikola nyumba yani, na mbe ngoli gwejiiri yo,

Zaburi 49:20

haliko agagendi gwana bashokuluza baage i kuzimu. Yabo booshi, batâye ki bone umulengeerwe.

Zaburi 88:13

Ibisoomeza byawe, bitamenyekiini yaho áhali ikihulu. Kundu uli mu gira íbikwaniini, bitangaki menyeekana haꞌbandu bali mu yibagirwa.

Mwigiriza 9:10

Ngiisi byo ugakizi gira, ukizi bigira ku misi yawe yoshi. Si ulindiriiri ukugenda i kuzimu! Neꞌyo munda, ndaagwo mukolwa, ndaanakwo kushungika, ndaanabwo bumenyi, ndaanabwo bwitegeereze.

Mwigiriza 11:8

Kiri naꞌbandu, ikyanya bali mu ramba imyaka mingi, bakwiriiri bashambaalire ngiisi lusiku lwaꞌmarambe gaabo. Kundu kwokwo, bakizi kengeera kweꞌsiku mbi zo zigaaba nyingi. Si byoshi íbigaki kulikira ha nyuma, biryagagi bya busha-busha!