Hayubu 10:13 - Kifuliiru

¹³ «“Kundu kwokwo, wâli njungikiiri agandi-gandi magambo. Ee! Kwokwo, kwo ukagwanwa watona.

Hayubu 10:13 Referans Kwoze

Hayubu 23:13

«Kundu kwokwo, ikyanya ali mu ba keera ashungika, nyandi úwangaki múhangirira? Ngiisi kwo aloziizagi, kwo anali mu gira.

Bukengeeze 32:39

«“Lolaga! Si nienyene nie Rurema! Ndaaye gundi, átali niehe naaho. Nie mu yita, na ndi nie mu lamiisa. Ndi mu yita umundu, na njubi múheereza ubugumaana. Keera namùkomeeresa. Haliko buno, ngola ngamùkiza. Ndaaye úwanganyugutula umundu mu maboko gaani.

Bahefeso 3:11

Yibyo byoshi, kwokwo kwo Rurema âli mali gwanwa abishungika ukulyokera keera. Na buno keera abikoleesa mu kati ka Nahamwitu Yesu Kirisito.

Barumi 11:33

Ubugale bwa Rurema, noꞌbwitegeereze bwage, noꞌbumenyi bwage, biryagagi bya kahebuuza! Ikyanya ali mu twa imaaja, ndaaye úwangasobanukirwa na ngiisi kwo agweti agaazitwa. Neꞌnjira zo ali mu lenga mwo, ndaaye úwangazimenya!

Kimombo 3:37

Ndaaye úwangadeta mbwiꞌgambo liguma likoleke, Nahano yenyene átazi kyula kwo libe ho!

Hisaaya 45:15

E Bahisiraheeri, Rurema winyu, kundu atabonesiri, haliko ye Lukiza.

Hisaaya 45:7

Nie kalema umulengeerwe neꞌkihulu. Nie mu gira umundu abe muhiirwa, kandi muhanya. Birya byoshi, nie mu bigira, bwo nie Nahano.

Hayubu 23:9

Na kundu nangamúloogeza uluhande lweꞌmbembe, ndagamúbona. Neꞌri nangahindukira lweꞌkisaka, shoobe!

Hayubu 10:14

Wâli kizi lindirira ulole iri ngaagira ibyaha. Neꞌkyanya nꞌgagira buligo, utanalooza ukungoga.

Hayubu 23:14

Ku yukwo, ngiisi kwo akagwanwa ashungika, kwo aganangirira. Na kwakundi, anaki singwiri izindi shungi nyingi mu mutima gwage.