Hayubu 10:12 - Kifuliiru

¹² We kanambiika mwoꞌbugumaana, wanakizi ngunda. Wanakizi ndanga, iri unanguya-nguya.

Hayubu 10:12 Referans Kwoze

Mikolezi 17:28

Mukuba, ye tumiri tuli ho, tunali bagumaana, tunali mu yishagania. Biri nga kwo baguma ba mu bandisi biinyu keera bakadeta: “Kiri na nyiitu, tulyagagi baana baage!”

Hayubu 33:4

Ewe! Umutima gwa Rurema woꞌbushobozi bwoshi, gwo gukandema. Noꞌmuuka gwage, gwanambiika mwoꞌbugumaana.

Mataayo 6:25

«Ku yukwo namùbwiraga, kwo mutakizi ki gerania hiꞌgulu lyoꞌburambe bwinyu, mbu biki byo mugaalya, kandi iri biki byo mugaanywa, kandi iri biki byo mugayambala. Si uburambe bwonyene, bwo buli naꞌkamaro ukuhima ibyokulya! Naꞌmagala kwakundi, go gali naꞌkamaro ukuhima ibyambalwa!

Mikolezi 17:25

Ndaanabyo íbiri mu múgoora, mbu abandu bangamúkolera byo. Si ye mu biika abandu booshi mwoꞌmuuka, halinde babe bagumaana. Ye na gweti úgabaheereza neꞌbindi byoshi.

Ndondeko 19:19

Ndi mukozi wawe. Keera nanalonga ulukogo imbere lyawe, halinde wangejeerera, wanangiza. Kundu kwokwo, imigazi iri hala bweneene. Hali ikyanya nangakengeera nashereezibwa mu njira, na nvwire mwo.

Hayubu 10:11

We kananika amavuha gaani, neꞌmisi yani. Yago mavuha, wanagabwikira neꞌminyofu noꞌluhu.