Hayubu 10:1 - Kifuliiru

¹ «Ngoli shombiri uburambe bwani. Kwokwo, leka nyidodombe buzira kuhangirirwa. Bwoꞌmutima gwani gukola mwoꞌbululu, ngwiriiri ndetage.

Hayubu 10:1 Referans Kwoze

Hayubu 7:11

«Ku yukwo, ndangaki hulika. Si ngayerekana naaho ngiisi kwo ngoli shengusiri. Bwoꞌmutima gwani gukoli lyaniirwi, ngagenderera ukuyidodomba.

1 Baami 19:4

Si yehe, anagenderera umulege-rege gwoshi, halinde mwiꞌshamba, anagendi bwatala mwiꞌdako lyeꞌkiti kiguma kyeꞌngaja-malungu. Haaho, anahuuna Rurema kwo alonge ukufwa. Anamúbwira, ti: «E Nahano, ndaakikwo kundi! Ubulyo, ndaakibwo. Ndali nie mwija ukuhima bashokuluza baani. Kwokwo buno, unyitage.»

Muharuuro 11:15

Iri wangakizi ndibuza kwokwo, nakuhuuna we kongwa we, bwangabiiri bwija uyami nyita ngana. Utaki ndekere mu yubu buhanya.»

Yona 4:8

Ikyanya izuuba likahuluka, Rurema anavyula imbuusi yeꞌdugumbo ukulyoka uluhande lweꞌsheere. Izuuba lyanadaruula, halinde Yona anayuvwa kwiꞌtwe lyahiira bweneene, anahambiri hola. Kwokwo, analooza ukufwa, anatulagula, ti: «Yoho wee! Bulyagagi bwija nvwe ngana, ho nangaki ramba.»

Hayubu 9:21

Niehe, ndaabyo bangandega kwo. Kundu kwokwo, ndakiri mu yitwaza. Si uburambe bwani, ngoli gweti ngabugayiriza.

Hayubu 5:20

Ikyanya kyoꞌmwena, agakufuusa mu lufu. Neꞌkyanya kiꞌzibo, utagaki gujikwa neꞌngooti.

Yona 4:3

E Nahano! Buno, nakuyinginga, undeke nvwagage. Ee ma! Bwangabiiri bwija nvwe, ho nangaramba!»

Hisaaya 38:17

Kundu njubi yuvwiti umwizingeerwe, we kaguhindula bube buhiirwa. Wanangiza na Narufu, wanashuluguta ibyaha byani inyuma lyawe.

Hisaaya 38:15

Bikagi byo nangaki deta? Yibyo byoshi, Nahano keera akambwira kwo bigakoleka, keera anabikwiza. Bwoꞌmutima gwani gushuba mu lyanirwa, kyo kitumiri ngakizi ba mutuudu isiku zaani zooshi.

Hayubu 19:4

«Kundu nangabiiri keera nꞌgayifunda mu byaha, yibyo bindoziri nienyene naaho.

Hayubu 14:13

Bwangabiiri bwija utee mbisha i kuzimu, halinde uburaakari bwawe butee hooha. Ha nyuma kandi, unabiike ulusiku lwoꞌkushubi ngengeera.

Hayubu 7:16

Ngoli shombiri uburambe bwani, ndanaki loziizi kwo nduule ho. Mundeke, maashi! Si isiku íziki nzigaliiri, ziri nga ndaakizo!

Hayubu 6:26

Amagambo gaani, si mugweti mugagabona nga mbuusi naaho! Aahago! Ka munaloziizi ukugagolola?