Hayubu 1:21 - Kifuliiru

²¹ «Nꞌgayija mu kihugo, ndi bukondwe. Na mu kulyoka mwo, ngagenda ndi bukondwe. Ngiisi byo nâli hiiti, Nahano ye kabimbeereza. Ye wanashubi binyaga. Ee! Iziina lya Nahano, likizi huuzibwa.»

Hayubu 1:21 Referans Kwoze

Mwigiriza 5:15

Yibi nabyo, biri mu tuvuniisa umutima. Ngiisi kwaꞌbandu bakayija, kwo na kwokwo bali mu galuka. Aaho! Bali mu ba balongaga bunguke buki? Bagweti bagakizi shaha ikyuya naaho, nga mundu woꞌkulooza ukugwata imbuusi.

1 Timoteyo 6:7

Mukuba, mu kuyija mu kihugo, ndaabyo tukayijana. Na mu kulyoka mwo, ndaabyo tugatwala.

1 Batesaloniki 5:18

iri munakizi tanga kongwa imwage mu kati ka byoshi. Mukuba, byebyo, byo Rurema aloziizi imwinyu mu kati ka Yesu Kirisito.

Yakobo 1:17

Ngiisi kindu kiija kyo tuli mu longa, kinabe kitungiini, kyohe kiri mu lyoka mwiꞌgulu imwa Rurema. Yehe, ali Yishe weꞌmirengeerwe, atanali mu hinda-hinda nga bimbehwa.

Hayubu 2:10

Hayubu, anamúshuvya, ti: «Nanga, maashi! Si ugweti ugaadeta nga mukazi muhwija! Tushuba mu yakiira amiija ukulyoka imwa Rurema. Aahago! Kituma kiki tutangaki yakiira amabi kwakundi?» Emwe! Uyo Hayubu, kundu akalonga yago makuba gooshi, haliko ndaalyo akadeta, mbu ahubire Rurema.

Bahefeso 5:20

Munakizi yama muli mu tanga kongwa imwa Daata Rurema mu kati ka byoshi, kwiꞌziina lya Nahamwitu Yesu Kirisito.

Hisaaya 45:7

Nie kalema umulengeerwe neꞌkihulu. Nie mu gira umundu abe muhiirwa, kandi muhanya. Birya byoshi, nie mu bigira, bwo nie Nahano.

Zaburi 49:17

Iri wangabona umundu keera agala, anabe akoli hiiti ibindu kanyamwala, utagangaanwe.

1 Samweri 2:7

Nahano ye mu keneesa baguma, anagaze abandi. Ali mu tindimaza baguma, anakuze abandi.

Kimombo 3:38

Amabi naꞌmiija, byombi biri mu koleka naaho, ku buhanguule bwa Rurema úli hiꞌgulu lya byoshi!

Mwigiriza 12:7

Ku yikyo kyanya, ugashubi hinduka luvu. Haliko, umutima gwawe gwohe, gugagalukira imwa Rurema. Mukuba, ye kakuheereza gwo.

Ndondeko 3:19

Mu kulonga ibyokulya, ugakizi shaha ikyuya, halinde ukuhisa ku kyanya ugagalukira mwiꞌdaho. Mukuba, mwiꞌdaho mwo ukalyosibwa, munali mwo ugashubi galukira.»

Mataayo 20:15

Aaho! Ka ndahangwirwi ukukoleesa ibindu byani nga ngiisi kwo ndoziizi? Kandi, ka wagwatwa noꞌbulire, bwo ngweti ngahaana bweneene?”»

Zaburi 39:9

Ungize mu bino byaha byani byoshi, gira abahwija batayiji njekeereza.

Mikolezi 4:28

«Ngiisi kwo bakagira, byo na byebyo naawe wâli mali gwanwa washungika ukulyokera keera, ku bukalage bwawe, kwo bigaaba.

Hisaaya 42:24

Twe beene Yakobo, ikyanya twâli kizi nyagwa, nyandi uwâli kizi tunyagiisa? Ka atali Nahano? Ee! Keera tukamúhubira, twanalahira ukukulikira injira zaage. Kiri neꞌmaaja zaage, tutanazitwaza.

Zaburi 34:1

Izaburi ya Dahudi, ikyanya akayiloga akabamba-isire imbere lya mwami Habimereki. Neꞌkyanya uyo mwami akamúyimula, Dahudi anayigendera.

Hayubu 1:11

Aahago! Wangatee golola ukuboko kwawe, unayabiirage byoshi byo ahiiti, lyo ugaabona ngiisi kwo agakutuka.»

1 Samweri 3:18

Ngiisi byo Samweri akabwirwa, anamúganuulira byo, buzira kumúbisha igambo lyoshi. Heri anashuvya: «Ye Nahano. Leka agire ngiisi kwo aloziizi.»

Ndondeko 45:5

Halikago buno, mutaki jengeerwe, mbu bwo mukanguliisa. Mutanaki be noꞌluhahalizi. Si Rurema yenyene ye kalooza kwo munguliise, gira ngwanwe hano, halinde na nyiji mùkiza.

Hamoosi 3:6

Ikibuga, iri kyangadihirizibwa mu kaaya, abandu baamwo bali mu yami yoboha. Kwokwo, noꞌbuhanya, butangagwata akaaya, Nahano átazi kyula.

Hisaaya 24:15

Na ábali isheere, bagweti bagamúyivuga. Yehe ye Nahano Rurema waꞌBahisiraheeri. Iziina lyage, likizi huuzibwa kiri na mu bandu ba mu tulira.

Mwigiriza 5:19

Batanagweti bagakizi gerania, mbu bwo burambe bwabo bulyagagi bwofi. Mukuba, Rurema agweti agabashambaliisa mu mikolwa yabo.

2 Baami 20:19

Hezekiya anashuvya: «Yago magambo ga Nahano, gali miija.» Na íbitumiri akadeta kwokwo, bwo akayitoneesa, ti: «Mu burambe bwani bwoshi, hagaaba umutuula noꞌbutoge.»

1 Baami 12:15

Kwokwo balya bandu, kundu bakatakira mwami, haliko atanabatwaza. Bikaba kwokwo, gira lirya igambo likolekage, nga kwo Nahano akagwanwa abwira Yerobwamu mugala Nebati, ku njira yoꞌmuleevi Ahiya weꞌShiilo.

2 Samweri 16:12

Ngeeka Nahano angabona ngiisi kwo ngweti ngagooka zeene, mu kushekerezibwa, anakengeere angirira amiija.»

Ndondeko 30:2

Yakobo anamúrakarira, ti: «Ka nie Rurema? Si ye kakuyima ibuta!»

Yakobo 5:11

Na hiꞌgulu lya yukwo kugooyera kwabo, kyo kitumiri tuli mu deta kwo bahiriirwi. Keera mukayuvwa na hiꞌgulu lyoꞌbwigenderezi bwa Hayubu. Mwayuvwa, na ngiisi kwo Nahano akayiji mútabaala. Mukuba, Nahano, ali mu yuvwa indengeerwa, anali mu nogerana.

Ruuti 1:21

Ikyanya nꞌgalyoka hano, twâli kwiziri. Si buno leero, keera Nahano angalula maboko mamaata. Aahago! Rurema woꞌbushobozi bwoshi keera amba ingoto, anambiika mu malibu mwene yaga. Mutakizi ki mbuuza kandi Nahomi.»

1 Samweri 2:8

Abakeni, Nahano ali mu bayinamula mu luvu, na mu munyota-kiiko. Anabayimike, banabwatale kuguma naꞌbatwali. Ikihugo kyoshi, kiri kyeꞌmwage, ye kakitereka ku ndaliro zaakyo.

Nehemiya 9:5

Ha nyuma, yabo Balaawi (Yeshuha, na Kadimyeri, na Baani, na Hashabineya, na Sherebiya, na Hodiya, na Shebaniya, na Petahya) banabwira abandu kwokuno: «Yimuki, mukizi huuza Rurema Nahamwinyu. Mukizi múhuuza, imyaka neꞌmyakuula. E Nahano, iziina lyawe likizi yivugwa. Mukuba, liri lya kahebuuza, linahuziibwi bweneene, ukuhima ibindi byoshi.

Hayubu 9:12

Byo Rurema anyugutula, nyandagi úwangaki bigalula? Nyandi úwangakolwa mbu amúbuuze, ti: “Ewe! Maki gano ugweti ugaagira?”

Zaburi 34:2

Ngakizi huuza Nahano isiku zooshi. Akanwa kaani kagakizi múyivuga ngiisi kyanya.

Mwigiriza 5:14

Umundu, ikyanya kyoꞌkubutwa, ali mu yija ali bukondwe. Neꞌkyanya ali mu fwagaga, kwo na kwokwo kwo ali mu genda. Kundu âli kizi yitubanula, gira lyo alonga ibindu bingi, ndaabyo agatwala. Ee! Ikyanya ali mu genda, ndaabyo ali mu ba afumbiiti.