Hayubu 1:18 - Kifuliiru

¹⁸ Uyo naye, iri akaba atazi yusa ukudeta, ugundi anahulukira ho, anadeta: «Bagala baawe na banyere baawe, bashuba mu lya, iri bananywa idivaayi mu nyumba ya mwene wabo umukulu.

Hayubu 1:18 Referans Kwoze

Hayubu 1:4

Yabo bagala Hayubu bâli kizi gira ulusiku lukulu, mu kukizi kuumana mu ngiisi nyumba, ukukulikirana na kwo bâli londiini. Banakizi laalika yabo baali baabo bashatu, kwo bakizi yiji shangiira ibyokulya, banakizi nywa kuguma.

Hayubu 1:13

Lusiku luguma, bagala Hayubu na banyere baage, bâli gweti bagaalya noꞌkunywa idivaayi kuguma, mu nyumba ya mushija wabo mukulu.

Kimombo 1:12

Akaaya keꞌYerusaleemu, kanadeta: «Mweshi, mwe muli mu lenga hano! Kituma kiki mutatwaziizi gano malibu gaani? Keera Nahano akandakarira, maashi! Aahago! Ka keera mukabona agandi malibu ágali nga gano geꞌmwani?

Yeremiya 51:31

Indumwa zigweti zigakulikirana muguma-muguma, mu kugendi menyeesa mwami kwaꞌkaaya kaage keꞌBabeeri keera kagwatwa.

Hisaaya 28:19

Yugwo mwijulire, gugakizi lenga ngiisi lusiku. Gugakizi yija mwiꞌzuuba, kiri na mu bushigi. Noꞌbuzinda, mugatwalwa ngana. Yikyo kihano, ngiisi ábakisobanukiirwi, bagashenguka ngana.

Mwigiriza 9:2

Booshi bali mu hekera ku njira nguma, baba bandu ábakwaniini, kandi iri banangora-mabi, baba biija, kandi iri babi, baba ábakoli yeruusiri, kandi iri ábakoli yulubiiri, baba ábali mu tanga amatuulo, kandi iri ábatali mu gatanga. Baba ábali mu tanga imihango imwa Rurema, kandi iri ábatali mu gitanga. Ee! Umundu mwija, ngiisi byo ali mu longa, umunabyaha, naye, byo na byebyo.

Zaburi 34:19

Ngiisi ábavunisiri umutima, Nahano ali mu bakuya-kuya. Neꞌkyanya bali mu yihebuura, ali mu bakiza.

Hayubu 27:14

Kundu bangabuta abaana bingi, haliko yabo baana bagayitwa ku ngooti, kandi iri bafwe noꞌmwena.

Hayubu 23:2

«Zeene, ngi gweti ngayidodomba mu kati koꞌbululu. Na íbitumiri ngagongeera, bwo Rurema akola mu ndibuza bweneene.

Hayubu 16:14

Agweti agandeera-ndeera. Anagweti agandwisa nga musirikaani.

Hayubu 8:4

E maashi yaga! Si abaana baawe, keera bakahubira Rurema. Na buno, keera bakahanwa, nga kwo byâli bakwiriiri.

2 Samweri 13:28

Ulya Habusalumu anagwanwa abwira abakozi baage, ti: «Ikyanya Hamunooni agaaba keera alaluka, mango namùbwira kwo mumúshulike, munayami múyita. Mutayobohe! Si nie wamùhanguula. Kwokwo, mukanie imitima, munabe bikalage.»

Hayubu 1:17

Uyo naye, iri akaba atazi yusa ukudeta, ugundi anahulukira ho, anadeta: «Abakalidaayo, bayigaba mweꞌbiso bishatu, banayiji yifuka ku ngamiya, banazitwala, banasiga bayita abakozi baawe ku ngooti. Nienyene naaho nie wafuuka, gira nyiji kumenyeesa umwazi.»

Hayubu 1:19

Lyeryo ngana, ikihuhuuta kyanahuusa ukulyoka mwiꞌshamba, kyanayitimba kwiꞌyo nyumba ngiisi luhande, yanabayihongoleka kwo. Iyo misore yoshi, yanayami fwa. Nienyene naaho nie wafuuka, gira nyiji kumenyeesa umwazi.»