Hamoosi 7:9 - Kifuliiru

⁹ Ha yizo mbeero zeꞌmizimu, heꞌkibusi kya Hisake bali kizi gendi yikumba ku marango, ngazishereeza lwoshi-lwoshi. Kiri neꞌnyumba zaabo ndaluule, nazo ngazihongola. Ee ma! Imbaga yoshi ya mwami Yerobwamu, ikolaga igaminikwa.»

Hamoosi 7:9 Referans Kwoze

Ndondeko 46:1

Yakobo anahamba indundu neꞌngegere, anashokola injira yoꞌkugenda i Miisiri. Neꞌri akahika i Beeri-Sheba, anatanga amatuulo imwa Rurema wa yishe Hisake.

Hamoosi 8:14

Kundu imizimu yeꞌSamariya igweti igateezania ishoni, si bagweti bagabiika indahiro ku maziina gaayo! Baguma bali mu kizi deta: “Nga kwoꞌmuzimu gweꞌDaani ayamiragi ho!” Abandi, ti: “Nga kwoꞌmuzimu gweꞌBeeri-Sheba ayamiragi ho!” Yabo bandu, bagayitimbaga haashi, batanaki vyuke.»

Hamoosi 5:5

Mutakizi gendi njakulira i Beteeri, kandi iri i Girigaali. Mutanakizi manukira i Beeri-Sheba, mbu mundogeze yo. Yabo bandu beꞌGirigaali, si bagagendi twalwa imbohe! Kiri naꞌkaaya keꞌBeteeri, si kagasigala mushaka!»

Hamoosi 3:14

Ngaki mùhana hiꞌgulu lyaꞌmahube giinyu. Ku lwolwo lusiku, ngashereeza noꞌtutanda útuli i Beteeri. Yutwo tutanda, utugongo twatwo tugatolwa, tunatibukire haashi.

Hosheya 10:8

Na bwo bâli kizi yifunda mu byaha mu mbeero ku marango, yizo mbeero zooshi, Rurema agazihongola. Kiri noꞌtutanda twazo tugamera kweꞌmigenge neꞌbigunga. Banatondeere ukubwira imigazi, ti: «Mutubindikire!» Banakizi bwira noꞌtugangazi, ti: «Mutuhongokerage kwo!»

Hisaaya 63:18

Ku kyanya kiniini, twâli riiri beene inyumba yawe. Halikago buno, abagoma biitu keera bakayiji gihongola,

Yeremiya 51:51

«Mugweti mugaadeta, ti: “Twe Bayuda, ibinyamahanga keera bikayifunda ahandu hataluule mu nyumba ya Nahano, binali mu kizi tuhonyoleza. Tukoli teziibwi ishoni, tunakoli tetiirwi bweneene.”»

Hamoosi 7:11

Si agweti agaadeta mbu: “Yerobwamu akolaga agayitwa ku ngooti. Abahisiraheeri nabo, bagatwalwa imbohe mu mahanga.”»

Hamoosi 7:13

Si hano i Beteeri, hali handu heꞌbwami. Hanali haꞌbandu bali mu yikumbira. Aahago! Yubwo buleevi bwawe, ugendi butangira handi-handi.»

Mika 1:5

Na íbitumiri biri kwokwo, bwaꞌBahisiraheeri, beene Yakobo bagweti bagaagira ibyaha. Ee! Biri hiꞌgulu lyeꞌbyaha byeꞌkihugo kyabo kyoshi. Aaho! Nyandagi útumiri Abahisiraheeri bakahuna? Ka batali bandu ba mu kaaya kaabo kahamu keꞌSamariya? Abayuda nabo, bagweti bagayikumbira imigisi hayi? Ka mutali mu kaaya kaabo keꞌYerusaleemu?

2 Baami 14:24

Uyo Yerobwamu âli kizi gira amabi imbere lya Nahano. Atanatwikira ku byaha bya Yerobwamu mugala Nebati, ulya úkahubiisa Abahisiraheeri.

Hezekyeri 6:3

“E migazi yeꞌHisiraheeri! Muyuvwirize bwija ngiisi kwo Rurema Nahamwitu adesiri: Ngweti ngakyula hiꞌgulu lya ábatuuziri mu migazi, na mu tugangazi, na mu misima, kiri na mu tubanda. «“Yuvwagwi ngiisi kwo ndesiri: Ngamùteera neꞌngooti. Na ngiisi ho muli mu yikumbira imigisi, ngahashereeza.

Hamoosi 9:1

Ha nyuma, nanabonaga Nahano, ayimaaziri ha butambi lyaꞌkatanda, anambwira: «Ushulikage bukayu ku zirya nguliro zeꞌnyumba ya Rurema, halinde indaliro zaayo zijugumbane. Yizo nguliro, uzihongolere haashi, halinde zitibukire ku bandu. Ngiisi ábagaaba baki sigiiragi, ngabayita ku ngooti. Mu kati kaabo, ndaaye úgafuushuka, kiri noꞌmuguma!