Hamoosi 7:16 - Kifuliiru

¹⁶ Aahago! Ino ndumwa, ilyosiri imwa Nahano. Ugiyuvwirize bwija! Ugweti ugaadeta, ti: “Yubwo buleevi, utashubi butanga mu Bahisiraheeri. Hatanagirage igambo lyo ugakanukira mwaꞌbandu baani.”

Hamoosi 7:16 Referans Kwoze

Mika 2:6

Abandi baleevi, badesiri ti: «Aahabi! Buno buleevi bwawe, ubutwikirage kwo! Mutakizi lomboojera hiꞌgulu lyabwo! Ibala mwene yiryo, bitaziziri kwo lyangatugwata!»

Hezekyeri 21:2

«E mwana woꞌmundu, ulangiize uluhande lweꞌkisaka, unatange ubuleevi hiꞌgulu lyaꞌbatuulaga ba mu mbako zeꞌNegebu.

Hamoosi 7:13

Si hano i Beteeri, hali handu heꞌbwami. Hanali haꞌbandu bali mu yikumbira. Aahago! Yubwo buleevi bwawe, ugendi butangira handi-handi.»

Bukengeeze 32:2

Amigirizo gaani, muleke gafukumuke ku mbuto, nga nvula yoꞌmunjogi-njogi. Amagambo gaani, gashaabuke nga kimi ku kishuka.

Hisaaya 30:10

Kundu bali mu kizi yerekwa amabone, si bayamiri bali mu longooza beene go, ti: “Nanga! Galya mabone giinyu, mugatwikire kwo.” Banakizi naakira naꞌbaleevi kwokuno: “Mulekage ukukizi tumenyeesa íbiri ukuli. Si mukizi tubwira naaho amagambo ágatusimisiizi. Mukizi tubwira ibinyoma.

1 Baami 22:19

Mikaaya anashubi deta: «Yuvwiriza igambo lya Nahano. Nabona Nahano abwatiiri ku kitumbi kyage kyoꞌbwami. Naꞌbakozi baage booshi ba mwiꞌgulu, bayimaaziri ha butambi lyage, baguma ilulyo, naꞌbandi ilumosho.

1 Samweri 15:16

Samweri, ti: «E Sahuli, hulika ngana! Ngola ngakubwira ngiisi byo Nahano ambwira mu bushigi bwa zeene.» Sahuli, ti: «Bimbwire.»

Hezekyeri 13:2

«E mwana woꞌmundu, utangage ubuleevi, mu kukanukira abaleevi baꞌBahisiraheeri. Ngiisi ábali mu yihalangira amaleevi boonyene, ubabwire kwokuno: “Muyuvwirize ngiisi kwo Rurema Nahamwitu adesiri: Si muli baleevi bahwija! Yayewe imwinyu! Mugweti mugagayihalangira mwenyene, ndaanalyo igambo lyo mwalonga imwani!”

Hamoosi 2:12

Kundu kwokwo, yabo Bataluule, mukabahubiisa mu kubanywesa idivaayi. Ha nyuma, ikyanya abaleevi bakayija mbu bamùkanukire, mwanakizi banaakira kwo bazibe utunwa!

1 Baami 13:1

Lusiku luguma, Yerobwamu âli yimaaziri ha butambi lyaꞌkatanda yaho i Beteeri, gira atangage ituulo lyoꞌkusiriiza. Lyeryo, Nahano anabwira umuleevi wage muguma weꞌBuyuda, kwo agendi múbona.

2 Baami 14:24

Uyo Yerobwamu âli kizi gira amabi imbere lya Nahano. Atanatwikira ku byaha bya Yerobwamu mugala Nebati, ulya úkahubiisa Abahisiraheeri.

Hezekyeri 16:35

«E Musambani, yuvwiriza ngiisi kwo nie Rurema Nahamwinyu nadetaga: