Hamoosi 6:11 - Kifuliiru

¹¹ Nahano, ikyanya agakyula naaho, inyumba zigayami yihongoleka haashi. Kwokwo, kwo bigaaba ku nyumba zooshi, ziba nangungubanga, kandi iri niini.

Hamoosi 6:11 Referans Kwoze

Hamoosi 3:15

Ngahongola neꞌnyumba zooshi zaꞌbagale, ziba za kutuula mwo ku kyanya kyeꞌmbeho, kandi iri ku kyanya kiꞌduutu. Ngahongolaga inyumba mbamu zooshi ízilimbisiibwi naꞌmahembe geꞌnjovu.» Kwokwo, kwo Nahano adesiri.

Hisaaya 55:11

Kwokwo, kwo biri na ku magambo gaani. Yago magambo gaani, gatangangalukira mamaata. Si gali mu koleesa ngiisi byo ndoziizi. Ee! Ngiisi byo nꞌgagwanwa nagatuma, byo na byebyo gali mu gira.»

2 Baami 25:9

Uyo mukulu, anasingoola inyumba ya Nahano, naꞌkajumiro, neꞌzindi nyumba zooshi zeꞌYerusaleemu. Ngiisi nyumba mbamu, akagisingoola.

Luka 19:44

Balya bagoma bagakuhongolera haashi. Ndaanalyo ibuye írigasigala ku lyabo. Kiri na ábakutuuziri mwo, nabo bagabindikwa! Mukuba, ikyanya Rurema akakuleetera ubukize, utakakimenya!»

Zakariya 14:2

Ee! Nahano agakuumania abandu baꞌmahanga gooshi, gira bayiji teera akaaya keꞌYerusaleemu. Yako kaaya, bagakagwata imbira, banamùshahule ibindu mu nyumba ziinyu. Yoo! Kiri na bakiinyu, bagababimbiira ku misi. Ikimaanye kiguma kyaꞌbandu kigatwalwa i mahanga mu buja. Na ábagaaba baki sigiiri, bagahanguulwa kwo basigale mu kaaya.

Nahumu 1:14

E Ninaawi! Keera Nahano akyula hiꞌgulu lyawe: «Mutâye ki bute abandi abaana, mbu banashubi yinikwa amaziina giinyu. Si mu ndaaro zeꞌmizimu yinyu, ngashaaza imigisi yoshi-yoshi. Bwo mukoli bihuusiri bweneene, ngweti ngamúhumbira ishinda.»

Hamoosi 9:9

Ikyanya ngakyula, ibinyamahanga bigayiji yeluula-yeluula Abahisiraheeri, nga kwo bali mu yeluula ingano, na ndyose mwo ábatakwaniini. Na mu yabo ábatakwaniini, ndaaye kiri noꞌmuguma úgafuuka.

Hamoosi 9:1

Ha nyuma, nanabonaga Nahano, ayimaaziri ha butambi lyaꞌkatanda, anambwira: «Ushulikage bukayu ku zirya nguliro zeꞌnyumba ya Rurema, halinde indaliro zaayo zijugumbane. Yizo nguliro, uzihongolere haashi, halinde zitibukire ku bandu. Ngiisi ábagaaba baki sigiiragi, ngabayita ku ngooti. Mu kati kaabo, ndaaye úgafuushuka, kiri noꞌmuguma!

Hamoosi 6:8

Rurema Nahamwitu ashiikiza kwokuno: «Nga kwo nyamiragi nie Rurema, yuku kuyikangaata kwaꞌBahisiraheeri, keera kwanyaagaza ngana-ngana! Inyumba zaabo, kundu ziryagagi ngomu, si keera zannenuuka. Ku yukwo, yaka kaaya keꞌSamariya, ngakabiika mu maboko gaꞌbagoma, banakashereeze kuguma na íbikali mwo byoshi.»

Hisaaya 13:3

Yabo basirikaani, nie Nahano nie bahamagiiri, keera nanabataluula, gira bagendi teera Abababeeri. Bwo ngoli rakiiri, keera nabatuma, kwo bagendi bahana. Banakoli shambaliiri ukugendi gira ngiisi byo nabatuma.

Mwigiriza 10:18

Umundu, iri angaba ali mwolo, akatwe keꞌnyumba yage kali mu yikira haashi. Neꞌnyumba yonyene, iri mu tondeera ukutoonya.

Zaburi 105:34

Rurema anashubi kyula, inzige nyingi zanayiji bateera. Zirya nzige, zâli kandaharuurwa.

Zaburi 105:31

Ha nyuma kandi, Rurema anakyula, mwomwo mu Bamiisiri, mwanahonera ulumamo lweꞌsaazi. Kiri neꞌnda zanayijulaga mu kihugo kyoshi.

Zaburi 105:16

Yaho mu kihugo kyeꞌKaanani, Nahano akashalisa abandu baage. Ngiisi ho bâli kizi longera ibyokulya, anabaleetera umwena naaho.

Hamoosi 5:11

Ikyanya abandu bakeniri, muli mu shubi balibata-libata. Si ikyanya muli mu batangiisa ingano ku kahaati, lyo muli mu bazimba. Kundu mukakizi yubaka inyumba nyiija zaꞌmabuye mabaaje, mutâye zituule mwo! Na kundu muli mu limiisa indalo zeꞌmizabibu miija, ikyanya bâye gikande mweꞌdivaayi, mutâye ginywe kwo.

Malaki 1:4

«Abahedoomu, ikibusi kya Hesahu bali mu deta, ti: “Kundu bakatushereegeza utwaya twitu, haliko tugashubi tuyubakulula.” «Aahabi! Si nie Nahano woꞌbushobozi bwoshi, nadetaga kwokuno: Tulya twaya, kundu bagashubi tuyubakulula, haliko ngashubi tuhongolera haashi. Balya Bahedoomu, bagamenyeekana kwo bali “Banabitalaalwe”, na “Bandu bo Nahano ayamiri arakariiri”.