Hamoosi 5:12 - Kifuliiru

¹² Ngoli yijagi inooka ngiisi kwo mugweti mugahuba. Nyiji na ngiisi kweꞌbyaha biinyu keera byaluguuka bweneene. Abandu, kundu bangabiiri balyagagi bazira buhube, mugweti mugabalibuza mu kubahuuna ikitulire. Neꞌkyanya abakeni bali mu looza ukuli imbere lyaꞌbatwi beꞌmaaja, muli mu kizi bahangirira.

Hamoosi 5:12 Referans Kwoze

Hamoosi 5:10

E Bahisiraheeri! Kundu abandu bali mu bulanira ukuli, si mwehe muli mu ba mubashombiri bweneene. Neꞌkyanya bali mu deta ukuli, si muli mu bagayiriza.

Hisaaya 1:23

Abatwali baawe, si keera bahuna imbere lyani, banakola biira baꞌbazimba! Bakoli gweti bagayakiira imbuli, mbu bagire íbitali nga byo, banali mu tulirwa. Batakiri mu bulanira ifuuvi, batanakiri mu hahala banamufwiri.

Malaki 3:5

Nahano woꞌbushobozi bwoshi, adetaga kwokuno: «Ha nyuma, ngayiji mùhana. Ngayami yiji lega abanamaleere, naꞌbashule, naꞌbanabinyoma, na ábagweti bagagunga imbembo yaꞌbakozi, na ábali mu kizi libuza banamufwiri neꞌfuuvi, na ábali mu nyima ibinyamahanga ukuli kwabyo, na ngiisi ábatali mu ndwaza.

1 Samweri 8:3

Kundu kwokwo, batâli tuuziri bwija nga yishe. Si boohe, bâli kizi yihahalira boonyene, banakizi yakiira ikitulire. Na kwakundi, banakizi shobania íbikwaniini.

Yakobo 5:6

Kundu abandu bâli riiri bazira mahube, haliko mukabahaniisa. Mwanabayihoola ubusha, kundu batâli kizi mùhangirira.

Yakobo 5:4

Yuvwagwi ngiisi kwaꞌbakozi biinyu bagweti bagayamiza! Keera bakakola mu ndalo ziinyu, mutanabahemba. Neꞌkyanya bali mu mùyimbulira imimbu, nabo ukuyamiza kwabo keera kwayuvwikana mu matwiri ga Nahano woꞌbushobozi bwoshi!

Mikolezi 7:52

Ka hali muleevi ye batakalibuza? Si bâli kizi yita abaleevi, kundu yabo baleevi bo bâli kizi tanga ubuleevi hiꞌgulu lyoꞌkuyija kwoꞌlya úkwaniini imbere lya Rurema! «Uyo úkwaniini, ye na yoyo niinyu, keera mukatanga mu bagoma, mwanamúyitiisa.

Mika 7:3

Balyagagi beeshu mu kukola amabi naꞌmaboko gaabo. Abimangizi, naꞌbatwi beꞌmaaja, bali mu huuna ikitulire. Abagale, ngiisi byo baloziizi, kwo banali mu gira igambi lyoꞌkubilonga.

Mika 3:11

E batwi beꞌmaaja! Si mu kukizi twa imaaja, mugweti mugalooza ibitulire. Na niinyu, mwe bagingi! Si muli mu yigiriza naaho, mu kulooza imbembo. Na niinyu, mwe baleevi! Si mutali mu tanga ubuleevi, buzira kuhembwa. Kundu kwokwo, mweshi mudesiragi mbu: «Si tuyegamiiri Nahano. Ali hano kuguma na nyiitu, ndaanayo nguuke yo tugalonga.»

Hamoosi 2:16

Yulwo lusiku, kiri neꞌbikalage byaꞌbasirikaani, bagatibita balyagagi bukondwe!» Kwokwo, kwo Nahano adesiri.

Kimombo 3:34

Imbohe za mu kihugo, ikyanya bali mu kizi zivindagaza, Nahano ali mu ba abwini-bwini.

Yeremiya 29:23

Bigaaba kwokwo, bwo mukahigula mu Bahisiraheeri. Mu kati kiinyu, umushosi agweti agashuleha muka uwabo. Banali mu koleesa iziina lyani, mu kukizi tanga ubuleevi bweꞌkinyoma. Banali mu gendi deta kwo nie kabatuma, ndanali nie. Yibyo byoshi, mbiyiji-yiji, na ndi nie kamasi kaabyo.” Kwokwo, kwo Nahano adesiri.»

Hisaaya 66:18

«Byoshi byaꞌbandu bagweti bagaakola, mbiyiji-yiji. Nyiji kiri neꞌnzaliro zaabo. Buno, ngola mu kuumania abandu beꞌmilala yoshi, naꞌbeꞌndeto zooshi, gira babone ubulangashane bwani.

Hisaaya 47:9

Si yago mahanya gombi, gagayami kuhikira ku lusiku luguma! Ku lwolwo lusiku, ugafwirwa naꞌbaana, unabaagage namufwiri! Kwokwo kwo bigaaba, kundu ulyagagi mulozi sizigirye, unali munamaleere waꞌkaminuuza.

Hisaaya 33:15

Abandu bangakira, iri bangakizi gira íbikwaniini, banabe bagweti bagaadeta ibyoꞌkuli, banabe batagweti bagalyalyania, mbu lyo bagala, banabe batanali mu lya ikitulire. Kiri noꞌkuyuvwa igambi lyoꞌkuyitana, batasiimiri, batanaloziizi ukubona íbitali nga byo.

Hisaaya 29:21

Ikyanya abandu bali mu banganizania, bagaherera kuguma na ábali mu tegana imbere lyaꞌbatwi beꞌmaaja, kiri na ábali mu hana abandu bazira buhube.

Hisaaya 10:2

Bali mu kizi yima abakeni íbibakwaniini. Yabo bandu, kundu bali beꞌmwani, si bakiri mu balyalyania. Bali mu hanguula abandu kwo bakizi nyaga ibindu bya banamufwiri, neꞌfuuvi.

Hisaaya 5:23

Si abanamahube bali mu kizi balekeerera, gira lyo balonga ikitulire. Kiri na ábakwaniini, bakola mu bayima ukuli kwabo.

Migani 22:22

Utakizi lyalyania umukeni, mbu bwo atahiiti ubushobozi. Neꞌkyanya ugakizi twa ulubaaja lwaꞌbakeni, utakizi bafina-fina kwo.

Hayubu 31:21

Ndaanalwo lusiku nꞌgabangulira ifuuvi ukuboko, kundu nâli yiji kwaꞌbatwi beꞌmaaja bangangundirira.

Ruuti 4:1

Bowazi anagendi bwatala kwiꞌrembo lyaꞌkaaya. Ulya mushosi ye Bowazi âli mali gwanwa adeta kwo ye gaguluula ibindu byeꞌmbaga yoꞌmuhisi Herimereeki, analenga yaho. Kwokwo, Bowazi anamúbwira: «E mwene witu, yija ubwatale hano.» Uyo mwene wabo, anagendi habwatala.

Bukengeeze 31:21

Ikyanya yubwo buhanya naꞌmalibu bigabatibukira kwo, lyo yulwo lwimbo lugaaba kamasi koꞌkubalega. Kiri naꞌbaana baabo, na bijukulu baabo, batâye luyibagire. Ngiisi byo bashungisiri ukugira, ngoli biyiji, kundu ndazi bayingiza mu kihugo kyo mbalaganiziizi.»

Bukengeeze 16:18

«Mu twaya twoshi two Nahano, Rurema winyu agamùheereza, mutoole abatwi beꞌmaaja, naꞌbandi bakulu, gira bakizi kola mu milala yinyu yoshi. Yabo batwi beꞌmaaja, bagakizi twira abandu imaaja ku njira íkwaniini.

Zaburi 127:5

Ee! Ahiriirwi, ngiisi yoꞌludaha lwage lugiyijwiri mwo. Uyo mundu, ikyanya âye buulane naꞌbagoma baage kwiꞌrembo lyaꞌkaaya, atâye kakazibwe.

Migani 17:8

Ikyanya umundu ahaana ikitulire, ali mu tona kwo luli lushumbi, na kwo agagenduukirwa mu byo agakizi gira.

Hezekyeri 13:22

«“Yabo bandu, kundu bâli kizi gira íbikwaniini, halikago ku njira ya birya bibeesha biinyu, mwâli kizi bavuna imitima. Si nienyene, ndali nie wâli kizi bavuna yo. Naꞌbandu babi nabo, mwanakizi bashimya kwo bagenderere mu mabi gaabo, halinde batanaki longa ubulyo bwoꞌkuyikiza.

Hosheya 5:3

«E beene Hifurahimu, e Bahisiraheeri! Ndaabyo mwangambisha. Mukuba, byo mugweti mugaagira, byoshi mbiyiji-yiji ku bweranyange. Keera mukanyiyogookola, nga mushule úgweti úgayiyogookola yiba. Keera mukanayiyulubaza lwoshi-lwoshi!»

Hamoosi 2:3

Kiri na mwami wabo, ngamúyita kuguma naꞌbatwali baage booshi.» Kwokwo, kwo Nahano adesiri!

Hamoosi 5:7

Si mugweti mugashobania íbikwaniini, Na ngiisi íbiri byoꞌkuli, mugweti mugabinyanyaga haashi.

Hamoosi 8:4

Munyuvwirize bwija! Si mugweti mugavindagaza abakeni, lyo bataki be ho!

Kulyoka 23:3

«Ikyanya abakeni bagakizi kuleetera ulubaaja, utakizi bakundirira, mbu bwo bali bakeni.

Kulyoka 23:6

«Umukeni, iri angalegwa, anabe ali noꞌkuli, utamúhengekere ulubaaja lwage.

Hayubu 20:19

«Si bâli kizi vindagaza abakeni, banabasiga maboko mamaata. Banakizi nyaga inyumba zo batakayubaka.