Hamoosi 4:2 - Kifuliiru

² Rurema Nahamwitu keera ashiikiza ku bweru bwage kwokuno: «Mu siku ízigayija, abandu bagakizi mùloba, banamùshibule nga fwi kwiꞌgera.

Hamoosi 4:2 Referans Kwoze

Yeremiya 16:16

Nahano ashubi detaga kwokuno: «Lolagi! Yabo Bayuda, keera nalungika abadubi bingi, gira bayiji baloba. Nganaki lungika kiri naꞌbahiivi bingi, bayiji bahiiva ku marango geꞌmigazi, na ku tugangazi, kiri na mu nyaala.

Zaburi 89:35

Ikihango kyo keera tukanywana, ndangakiyita. Ee! Ngiisi byo nꞌgadeta, byo na byebyo.

Hamoosi 6:8

Rurema Nahamwitu ashiikiza kwokuno: «Nga kwo nyamiragi nie Rurema, yuku kuyikangaata kwaꞌBahisiraheeri, keera kwanyaagaza ngana-ngana! Inyumba zaabo, kundu ziryagagi ngomu, si keera zannenuuka. Ku yukwo, yaka kaaya keꞌSamariya, ngakabiika mu maboko gaꞌbagoma, banakashereeze kuguma na íbikali mwo byoshi.»

Hisaaya 37:29

Ewe! Uburaakari bwawe, keera bwambikira, nanayuvwa ubwikangaate bwawe. Kwokwo, ngakugosa mu kukubiika igera mwiꞌzulu. Na ngubiike ikyuma mu kanwa. Na ngugalule mu yerya njira yo ukayija mwo.»

Hezekyeri 29:4

«“Ehee! Kundu ukadetaga kwokwo, si ngaki kufunda igera mu migeka, na mbanguule ifwi ziyiji naniira ku magamba gaawe. Ha nyuma, na nyiji kulyosa mu lwiji, na yizo fwi ziki kunaniiri kwo.

Hezekyeri 38:4

Ngakushakiza igera mu migeka, na ngutumikire ku misi. Ngakuhulukiza imbuga, kuguma naꞌbasirikaani baawe booshi, neꞌfwarasi, na ábali mu zigendera kwo. Yabo booshi, bagaaba bayambiiti imirondo yiꞌzibo, banabe bafumbiiti neꞌsiribo mbamu neꞌniini, kuguma neꞌngooti zaabo.

Hamoosi 8:7

Nahano agweti agashiikiza kwokuno kwiꞌziina lyage: «Yibyo byaꞌBahisiraheeri bagweti bagaakola, ndâye biyibagire!»

Zaburi 89:36

Keera nꞌgabiika indahiro. Na bwo ndi mweru bweneene, ndangabwira Dahudi ibibeesha.

Hezekyeri 34:16

«Ikyanya bigakizi yangaara-yangaara, binabe bikoli teeresiri, ngakizi gendi bishakula, halinde na mbigalukire i kaaya. Neꞌkyanya bigakizi vunika, ngakizi bibuka. Neꞌkyanya bigaaba bikoli jehusiri, ngabikania indege. Halikago, ngiisi íbishishiri, binabe biki kaniri, byohe, ngabishereeza. Na bwo ndi mungere, ngakizi bilanga byoshi ku njira íkwaniini.