Hamoosi 4:10 - Kifuliiru

¹⁰ Nanamùbiika mweꞌbihano, nga kwo nꞌgabibiika mu Bamiisiri kare. Nanaminika imisore yinyu mwiꞌzibo. Neꞌfwarasi ziinyu ziꞌzibo, nanaleka zitwalwe. Ibaya lyeꞌbirunda, nanaleka limùdugiirize. Kundu kwokwo mutakangalukira. Kwokwo, kwo nie Nahano ndesiri.

Hamoosi 4:10 Referans Kwoze

Bukengeeze 28:60

Galya malwazi gooshi go mukayoboha mu kihugo kyeꞌMiisiri, agakizi mùleetera go, gamùgase.

Yuheeri 2:20

Balya bagoma ábakalyoka imbembe, ngabayimula, na mbashendekeze halinde mwiꞌshamba, áhayumagusiri. Abasirikaani baabo ábali mu tee genda imbere, ngabalasha mu Nyaaja yoꞌMuunyu. Na ábali mu yija inyuma, ngabalasha mu Nyaaja Mediterane. Ibirunda byabo, bigakizi huumura buligo, halinde lirya ibaya lyabyo linakwire hooshi.» Ku kasiisa, Nahano akamùgirira ibitangaaza.

2 Baami 13:7

Uyo Yohaazi, iri hakatama, anasigala naꞌbasirikaani bagerwa nga makumi gataanu naaho, boꞌkugendera ku fwarasi. Âli hiiti naꞌmagaare ikumi, naꞌbasirikaani boꞌkukizi genda naꞌmagulu bihumbi ikumi. Abandi booshi, ulya mwami weꞌHaraamu âli mali bayita, anabalibata nga luvu.

Balaawi 26:25

Na ku bwenge mugaaba muhongwiri ikihango kyani, ngamùtibulira mwiꞌzibo. Na kundu mwangagira mbu mugendi yibisha mu twaya, haliko ngamùmwagulira mweꞌkiija, gira mumale, munabiikwe mu maboko gaꞌbagoma biinyu.

Bukengeeze 7:15

Na kundu mwâli kizi longa ikiija kikayu i Miisiri, haliko Nahano agamùlyokeza amalwazi gooshi, atanahanguule kwo gakizi mùteera. Si yikyo kiija, agakizi kibiika ku ngiisi ábagaaba bamùshombiri.

Hamoosi 8:3

Ku yikyo kyanya, abandu bingi bagafwagaga. Kundu bakiri mu gira ikisegengo ha kajumiro, haliko bagaki liruuka. Ibirunda byabo bigakizi kabulirwa bwalaafwe, ndaanaye woꞌkudeta kiri niꞌgambo.» Kwokwo, kwo Rurema Nahamwitu adesiri.

Hamoosi 4:6

«Utwaya twinyu twoshi, nie katuyogogoza niꞌshali. Ndaahyo hyokulya hyo nꞌgamùheereza. Kundu kwokwo, mutanangalukira. Kwokwo, kwo nie Nahano ndesiri.

Yeremiya 18:21

«Ku yukwo, ulekage abaana baabo bafwe niꞌshali. Nabo boonyene, uleke abagoma baabo babayite neꞌngooti. Bakaabo bafwirwe naꞌbaana, kiri na bayiba! Abashaaja bafwe neꞌkiija, neꞌmisore iyitwe ku ngooti mwiꞌzibo.

Yeremiya 11:22

«Yabo Bahanatooti, ngolaga ngabahana. Imisore yabo, abagoma bagagiminika mwiꞌzibo. Bagala baabo na banyere baabo, ishali ligabamala.

2 Baami 13:3

Kyanatuma Nahano agarakarira Abahisiraheeri, anakizi batindimaza mwiꞌdako lya mwami Hazaheeri weꞌHaraamu, kiri na mwiꞌdako lya mugala wage Beni-Hadaadi.

Bukengeeze 28:22

Nahano agamùyogogoza naꞌmalwazi, halinde munahererekere. Mugalwala ikikaraza neꞌshuushira likayu, naꞌmahere. Muganahahazibwa neꞌbirigindi liꞌzuuba, neꞌkikamo, neꞌkihuhuuta, noꞌlukungu. Ku kasiisa, agamùdaaka mu ngiisi njira, halinde munayami hera.

Balaawi 26:16

«Aaho! Yuvwagwi ngiisi kwo ngamùhaniiriza: Ngakizi mùleetera amalibu. Neꞌkyanya mugashuushirwa, amasu giinyu gagahumaala, halinde munajambe ngana-ngana. Kundu mugakizi byala imbuto mu ndalo, zitagamùgenduukira. Mukuba abagoma biinyu, bo bagakizi zirya.

Kulyoka 8:19

Ku yukwo, abandu baani, ngabakolera ku yabo-yabo njira, naꞌBamiisiri ku gindi-gindi. Yikyo kitangaaza, kigakoleka kusheezi.»

Yeremiya 48:15

Ehee! Si abagoma biinyu bakola bagayiji mùshereeza! Utwaya twinyu, tugahongolwa, kiri neꞌmisore yinyu inayitwe.» Kwokwo, kwo Mwami adesiri. Niꞌziina lyage, ye Nahano woꞌbushobozi bwoshi!

Yeremiya 16:4

Baguma, ikiija kigabaminika. Ndaanaye úgabalirira, kandi iri kubaziika. Abandi bagayitwa mwiꞌzibo, kandi iri kwiꞌshali. Ibirunda byabo, bigaaba mijande-mijande nga nagiira. Bigayiji liibwa noꞌtunyuni, neꞌnyamiishwa.»

Yeremiya 15:3

«Ngabalungikira abashereeza bana, bo baaba: ingooti, zikizi bayita. Noꞌtubwa, tubakululire ha butambi. Na banyunda, babajojomole. Neꞌnyamiishwa, zijanganule ibirunda byabo.» Kwokwo kwo Nahano adesiri.

Yeremiya 9:22

Nahano adetaga na kwokuno: «Umwitegeereza atakizi yihaya mbu bwo ali noꞌbwitegeereze. Neꞌkikalage kitakizi yihaya mbu bwo ali noꞌbukalage. Noꞌmugale atakizi yihaya mbu bwo ali noꞌbugale.

Yeremiya 6:11

E Nahano, bwo ukoli rakiiri hiꞌgulu lya yaba bandu, naani, kwo na kwokwo. Yubwo buraakari bwawe, ngoli luhiri noꞌkubuhangirira.» Nahano anashubi mbwira: «Yubwo buraakari, ugendi buyonera ku baana mu njira, kiri na ku misore, ngiisi ho ibwatiiri. Kiri abashosi na bakaabo, ngakizi bashavurira, kiri naꞌbashaaja kongotwe.

Hisaaya 9:13

Kwokwo, Nahano agasingula Abahisiraheeri itwe noꞌmukira. Ee! Lusiku luguma naaho, agaatema itavi lyeꞌkigazi, kuguma na lyeꞌkibingu.

2 Baami 10:32

Ku yikyo kyanya, Nahano anatondeera ukuniihya ikihugo kyeꞌHisiraheeri. Mwami Hazaheeri weꞌHaraamu ananyaga ikimaanye kyakyo,

2 Baami 8:12

Hazaheeri anabuuza: «E nahamwitu, kituma kiki walira?» Hirisha anashuvya: «Ngoli yiji amabi go ugagirira Abahisiraheeri. Inzitiro zaabo, ugazijigiivya. Unayite imisore yabo, unatute-tute abaana baabo. Na ábali neꞌnda, ugakizi babunduula zo.»

Kulyoka 15:26

Anadeta: «Niehe nie Nahano, Rurema winyu. Na ndi nie mu mùkiza. Kwokwo, iri mwangakizi yuvwiriza izu lyani ku bwitonde, ndagamùleetera ikiija, kundu nꞌgakireetera Abamiisiri. Ku yukwo, ikyanya ngakizi mùbwira igambo, mukwiriiri mukizi ndega amatwiri, munakizi gira íbikwaniini imbere lyani. Imaaja zaani, mukizi zisimbaha, nga ngiisi kwo nakyula.»

Kulyoka 14:4

Ngashubi yumuusa umutima gwa Faraho, halinde anamùbingirize. Kundu kwokwo, ngamúshereeza, kuguma naꞌbasirikaani baage, halinde lyo ndonga ubulangashane. Kwokwo, lyaꞌBamiisiri bagaamenya kwo nie Nahano.» Rurema, mbu ayuse ukudeta kwokwo, Abahisiraheeri banagakulikira inyuma.

Kulyoka 10:27

Ulya Faraho, Nahano anakaviiriza ukumúyumuusa umutima, atanaki hanguula Abahisiraheeri kwo bagende.

Kulyoka 10:3

Kwokwo, Musa na Harooni banagenda imwa Faraho, banamúbwira: «E mwami, Nahano Rurema waꞌBaheburaniya, akyula kwokuno: “Ugaahisa halinde mangoki, ugweti ugalahira ukuyibiika haashi imbere lyani? Uleke abandu baani bagendage, gira bagendi nyikumba.

Kulyoka 9:17

«“Si uki genderiiri ukuhangirira abandu baani, utanabahanguula kwo bagende.

Kulyoka 9:12

Kundu kwokwo, Nahano anagenderera ukuyumuusa umutima gwa Faraho. Kyanatuma ikyanya Musa na Harooni bakagendi ganuuza Faraho, atanabatwaza, nga kwo Nahano âli mali gwanwa abwira Musa.

Bukengeeze 28:21

«Nahano anamùbiike mweꞌkiija, halinde anayami mùhotola. Na kundu agamùyingiza mu kirya kihugo, haliko ndaaye úgasigala mwo.

Hisaaya 9:17

Ikyanya abandu bagweti bagaagira amabi, gali mu ba nga muliro. Guli mu tee singoola imigenge, gunabuli yigwima mu biti bihamu, halinde ikyusi kinanunge bweneene mu kyanyaanya.

Hisaaya 34:3

Ibirunda biinyu bigakabulirwa imbuga, halinde ibaya lyabyo linalungiire, noꞌmuko gwabyo, gunagolombe ku migazi.

Hisaaya 50:11

Si mwehe mugweti mugatwana umuliro gwinyu naaho, mbu lyo mulonga ukubona! Ngahwe! Gendereragi na gwogwo, gubaagage gwo mugabiika kwoꞌmulangaaliro. Kundu kwokwo, lolagi ngiisi byo Nahano agamùhemba ubuzinda: ikyanya mugagwejera, mugalyanirwa bweneene!

Yeremiya 49:26

Imisore yabo, igaagwa mu njira, inayitwe. Yulwo lusiku, abasirikaani baamwo booshi bagayitwa.» Kwokwo, kwo Nahano woꞌbushobozi bwoshi adesiri.

Hisaaya 9:12

Yabo bandu, kundu Nahano woꞌbushobozi bwoshi akabahana, si batanamúgalukira.

Yeremiya 5:3

E Nahano, ka utayamiri uli mu looza íbiri byoꞌkuli? Kundu ukahimbula abandu beꞌBuyuda, si batababiiri. Na kundu ugweti ugabafuta-futa, mu kubayerekeza, si batakusimbahiri. Bakola mindagabika, banakoli yumuusiri ngiꞌbuye. Keera bakashiikiza lwoshi, kwo batangaki kugalukira.

Hosheya 11:5

«Abahisiraheeri kundu bâli bandu baani, si bakalahira ukungalukira. Kyo kitumiri mwami weꞌMiisiri ye gashubi ba mwami wabo. Baganakizi kolera na mwami weꞌHasuriya.

Hagayi 2:17

«Ikyanya mwâli kizi gira mbu mubyale imbuto, nꞌgazishereeza, mu kuziboza halinde kwiꞌsina, nanakizi zifukumulira kwoꞌlugungu. Kundu kwokwo, mutanangalukira nie Nahano.