Hamoosi 3:15 - Kifuliiru

¹⁵ Ngahongola neꞌnyumba zooshi zaꞌbagale, ziba za kutuula mwo ku kyanya kyeꞌmbeho, kandi iri ku kyanya kiꞌduutu. Ngahongolaga inyumba mbamu zooshi ízilimbisiibwi naꞌmahembe geꞌnjovu.» Kwokwo, kwo Nahano adesiri.

Hamoosi 3:15 Referans Kwoze

Yeremiya 36:22

Gwâli kola mwezi gwoꞌmwenda. Kwokwo, mwami âli bwatiri mu nyumba yage yeꞌkyanya kyeꞌmbondo, agweti agakaluuka umuliro úgwâli mu yaka mu mbabula.

1 Baami 22:39

Uyo Ahabu, agandi magambo ágakakoleka mu butwali bwage, gali mayandike mu Kitaabo kyaꞌmagambo gaꞌBaami beꞌHisiraheeri. Muli muyandike na ngiisi kwo akayubaka inyumba yage, na ngiisi kwo akagilimbiisa naꞌmahembe geꞌnjovu. Muli muyandike na ngiisi kwo akayubaka utwaya tulebe.

Batwi beꞌmaaja 3:20

Ikyanya mwami âli bwatiiri ho âli kizi luhuukira mu kisiika kya ha lugulu, Ehuudu anamúyegeera, anamúbwira kwokuno: «Indumwa yo nguhitiiri, yashaaga imwa Rurema.» Mwami, mbu ayuvwe kwokwo, anayimuka ku kitumbi kyage.

Hamoosi 6:11

Nahano, ikyanya agakyula naaho, inyumba zigayami yihongoleka haashi. Kwokwo, kwo bigaaba ku nyumba zooshi, ziba nangungubanga, kandi iri niini.

Hisaaya 5:9

Nayuvwa kwo Nahano woꞌbushobozi bwoshi ambwiraga kwokuno: «Yizo nyumba, kundu ziryagagi nyiija, si zigasigala biguuka! Na kundu ziri mbamu, zinalimbisiibwi, haliko, zigasigala mushaka, buzira bandu.

Hamoosi 3:11

Ku yukwo, Rurema Nahamwitu adetaga kwokuno: «Abagoma bakola bagayiji shereeza ikihugo kiinyu, banahongolage inyumba ziinyu ngomu-ngomu. Na íbiri mwo, banabishahule.»

Zaburi 45:8

Ukuuziri íbikwaniini. Haliko amabi goohe, ugashombiri. Kyo kikatuma Rurema wawe akakukuza, ube hiꞌgulu lyaꞌbiinyu. Anakushiiga amavuta mu kati koꞌbushambaale.

Hamoosi 2:5

Ku yukwo, ngola ngashonoolera ikihugo kyabo mwoꞌmuliro, gunasingoole inyumba ngomu zooshi za mu kaaya keꞌYerusaleemu.»

Hamoosi 5:11

Ikyanya abandu bakeniri, muli mu shubi balibata-libata. Si ikyanya muli mu batangiisa ingano ku kahaati, lyo muli mu bazimba. Kundu mukakizi yubaka inyumba nyiija zaꞌmabuye mabaaje, mutâye zituule mwo! Na kundu muli mu limiisa indalo zeꞌmizabibu miija, ikyanya bâye gikande mweꞌdivaayi, mutâye ginywe kwo.

Malaki 1:4

«Abahedoomu, ikibusi kya Hesahu bali mu deta, ti: “Kundu bakatushereegeza utwaya twitu, haliko tugashubi tuyubakulula.” «Aahabi! Si nie Nahano woꞌbushobozi bwoshi, nadetaga kwokuno: Tulya twaya, kundu bagashubi tuyubakulula, haliko ngashubi tuhongolera haashi. Balya Bahedoomu, bagamenyeekana kwo bali “Banabitalaalwe”, na “Bandu bo Nahano ayamiri arakariiri”.