Hamoosi 2:15 - Kifuliiru

¹⁵ Ábagweti bagafwora imiheto, batagazibiiriza. Na ábayiji ukusuula umulindi, ndaaye úgayikiza. Kiri na ábali mu gendera ku fwarasi, ndaaye úgafuushuka.

Hamoosi 2:15 Referans Kwoze

Hezekyeri 39:3

Ha nyuma, ngakushulika, umuheto gwawe gunavunikire mu kuboko kwawe kweꞌlumosho. Neꞌmyambi íri mu kweꞌlulyo, nayo ngagitibulira haashi.

Mwigiriza 9:11

Keera nabonaga irindi igambo mu kihugo. Kundu umundu angasuula umulindi, atali ye mu kizi hima mu ndangwe. Na kundu angabiiri ye ndwani mwiꞌzibo, atali ye mu kizi hima abagoma. Na kundu angabiiri ali mwitegeereza, atali ye mu kizi longa ibyokulya. Na kundu angabiiri ali munabwenge, atali ye mu kizi gala. Na kundu angabiiri akoli somiri, atali ye mu kizi huuzibwa. Si ukugenduukirwa kwoꞌmundu, kuli mu ba ku maana naaho, ukukulikirana neꞌkyanya kyage.

Hisaaya 31:3

Aaho! Yabo Bamiisiri, si balyagagi bandu ngana! Batanali bandi boꞌkuyikumbwa. Kiri neꞌfwarasi zaabo, si biri bitugwa naaho, zitanagweti ubushobozi bwa mu mitima. Ikyanya Nahano agababangulira ukuboko kwage, ngiisi ábali mu gira mbu babatabaale, bagasiitara. Na ábagatabaalwa kwakundi, banayideedeke haashi. Kwokwo balya booshi, banashereezibwe kuguma.

Yeremiya 51:56

Ee! Abagoma bagweti bagateera i Babeeri. Abasirikaani baamwo keera bagwatwa imbohe, banavunirwa imiheto yabo. Nie Nahano Rurema. Ikyanya abandu bagweti bagaagira amabi, ndi mu bahana. Kwokwo, ngabahana ngana, ukukulikirana naꞌmabi gaabo.

Hagayi 2:22

Abaami ba mu kihugo, ngola ngabanyanyaga haashi. Yabo baami, ngola ngabamala imisi. Amagaare gaabo giꞌzibo, ngagakunangulira haashi. Ngakabulira na ábali mu gagendera kwo. Ifwarasi zaabo, zigayami fwa. Na ábali mu zigendera kwo, bagayitana ku ngooti.

Zakariya 10:5

Ee ma! Bagaaba ndwani ngana-ngana mwiꞌzibo. Bagakizi genda bagakandagira abagoma baabo nga bidaka. Bwo bali kuguma na Nahano, ikyanya bagakizi lwa, bagakizi hima kiri naꞌbagoma ábali mu gendera ku fwarasi.

Hamoosi 9:1

Ha nyuma, nanabonaga Nahano, ayimaaziri ha butambi lyaꞌkatanda, anambwira: «Ushulikage bukayu ku zirya nguliro zeꞌnyumba ya Rurema, halinde indaliro zaayo zijugumbane. Yizo nguliro, uzihongolere haashi, halinde zitibukire ku bandu. Ngiisi ábagaaba baki sigiiragi, ngabayita ku ngooti. Mu kati kaabo, ndaaye úgafuushuka, kiri noꞌmuguma!