Hamoosi 2:12 - Kifuliiru

¹² Kundu kwokwo, yabo Bataluule, mukabahubiisa mu kubanywesa idivaayi. Ha nyuma, ikyanya abaleevi bakayija mbu bamùkanukire, mwanakizi banaakira kwo bazibe utunwa!

Hamoosi 2:12 Referans Kwoze

Hamoosi 7:13

Si hano i Beteeri, hali handu heꞌbwami. Hanali haꞌbandu bali mu yikumbira. Aahago! Yubwo buleevi bwawe, ugendi butangira handi-handi.»

Hisaaya 30:10

Kundu bali mu kizi yerekwa amabone, si bayamiri bali mu longooza beene go, ti: “Nanga! Galya mabone giinyu, mugatwikire kwo.” Banakizi naakira naꞌbaleevi kwokuno: “Mulekage ukukizi tumenyeesa íbiri ukuli. Si mukizi tubwira naaho amagambo ágatusimisiizi. Mukizi tubwira ibinyoma.

Mika 2:6

Abandi baleevi, badesiri ti: «Aahabi! Buno buleevi bwawe, ubutwikirage kwo! Mutakizi lomboojera hiꞌgulu lyabwo! Ibala mwene yiryo, bitaziziri kwo lyangatugwata!»

Yeremiya 11:21

Si balya bashosi beꞌHanatooti, bakoli shungisiri kwo banyite, banagweti bagambwira: «Utakolwe kwo washubi tanga ubuleevi kwiꞌziina lya Nahano. Neꞌri wangagenderera ukubutanga, tugakuyita nyene.» Nahano woꞌbushobozi bwoshi adetaga hiꞌgulu lyabo kwokuno:

Hamoosi 7:16

Aahago! Ino ndumwa, ilyosiri imwa Nahano. Ugiyuvwirize bwija! Ugweti ugaadeta, ti: “Yubwo buleevi, utashubi butanga mu Bahisiraheeri. Hatanagirage igambo lyo ugakanukira mwaꞌbandu baani.”

Muharuuro 6:2

kwo abwire Abahisiraheeri kwokuno: «Umundu, aba mushosi kandi iri mukazi, iri angayitaluula imwani nie Nahano, agaaba akola Mutaluule.

Yeremiya 35:5

Nanabaleetera ibirugu íbiyijwiri idivaayi, nanabaheereza neꞌnzoozo, nanababwira: «Idivaayi ino, munywe!»

Muharuuro 6:3

Uyo mundu, atakizi ki nywa idivaayi, kandi iri ikindi kilalusa kwo kikaba kwoshi. Atakizi nywa noꞌmutobo gwoꞌmuzabibu, kandi iri imizabibu yonyene, kiri neꞌmizabibu myumu.